„Министерството за внатрешни работи најостро ги демантира дезинформациите што во емисијата „Код“ на ТВ Телма ги изнесе директорот на АВМУ Зоран Трајчевски дека наводно лицето Бојан Јовановски имало службено обезбедување од МВР. Тоа апсолутно не е точно. Бојан Јовановски немал службено обезбедување од МВР. Непрофесионално и неетички е Трајчевски, кој е на чело на регулаторно тело на кое му е работа да ја штити јавноста од дезинформации и да внимава на етиката во известувањето, самиот да шири дезинформации“, соопштуваат од МВР по тврдењето на Зоран Трајчевски.
Во последната емисија „Код“ на ТВ Телма Трајчевски тврди дека сопственикот на 1ТВ, Бојан Јовановски, имал службено обезбедување од МВР од безбедносни причини поради емитувањето на емисијата „Инсајдер“.
