Останаа помалку од два часа за пријавување за гласање на лицата со КОВИД-19 или кои се во самоизолација. Рокот завршува вечерва (11 октомври) на полноќ. Лидерот на ДУИ, Али Ахмети на партиски митинг за локални избори во Чаир, најави прв претседател на државата Албанец. Актуелниот градоначалник и кандидатот на СДСМ и коалицијата за градоначалник на Град Скопје, Петре Шилегов најави бесплатен јавен градски превоз за сите пензионери и за лицата со ретки болести во Скопје секој ден во неделата.
Лидерот на ДУИ, Али Ахмети на партиски митинг во Чаир, најави рушење на нова барикада, односно прв претседател на државата Албанец.
„После министер за одбрана Албанец, после министер за надворешни работи Албанец, после Претседател на Собрание Албанец, на следните парламентарни избори последните 100 дена влегуваме со Премиер Албанец. Наредно е претседател на држава да биде Албанец“, истакна Ахмети.
Актуелниот градоначалник и кандидатот на СДСМ и коалицијата за градоначалник на Град Скопје, Петре Шилегов најави бесплатен јавен градски превоз за сите пензионери во Скопје секој ден во неделата, а не само во вторник и петок, со што, како што вели, ќе се запират гужвите во работните денови во градските автобуси за луѓето кои одат на работа или на училиште.
„Овозможуваме бесплатен медицински транспорт за лицата во трето доба и лицата со попреченост до здравствените институции во градот. За поголема самостојност и независно функционирање, обезбедуваме ефикасен, безбеден и бесплатен транспорт за нив, рече Шилегов и најави и бесплатен јавен градски превоз и за лицата со ретки болести“, најави Шилегов.
Лидерот на ВМРО-ДПМНЕ, Христијан Мицкоски по средбата со лидерот на Алијанса за Албанците, Зијадин Села, денес во Охрид, истакна дека останува уште малку време за излез од сивилото во кое што се наоѓаат градовите низ цела Македонија.
Очекуваме и сигурни сме во победата на претстојните избори. Од власта го очекувам сето тоа што го гледавме изминативе четири години, многу поткуп, притисоци, закани. Тука ние како ВМРО ДПМНЕ сме обединети дека треба да бидат поразени. Ќе имаме сериозна мобилизација на терен, што повеќе луѓе да излезат да гласаат, затоа што со останување дома ги одобруваме овие погрешни политики изминативе педесет и два месеци“ рече Мицкоски.
Лидерот на Алијансата за Албанците, Зијадин Села, по средбата со Мицкоски истакна дека ќе постигнат добри резултати секаде каде опозицијата конкурира со кандидати во сите општини во државава.
Мислам дека ова е добра работа која се случува, бидејќи опозицијата мора да има мостови за комуникација за да донесе промени. Се работи за локални избори, но од исходот од локалните избори ќе зависат многу други важни работи на централно ниво. Ова е соработка за да ја спречиме стапката на корупција. За жал, стануваме најкоруптивна држава во регионот и во светски размери, рече Села.
Д. Муратов