Во близина на еден од најголемите манастири во областа Доњецк, Свјатохирската Лавра, откриена е одаја за мачење што ја користеле руските агресори, објави Службата за безбедност на Украина (ССУ) на Телеграм, јавува дописникот на Укринформ.
„Одајата за мачење беше поставена во објект за рекреација во близина на Лавра на Светите Планини на Светото Успение (Свијатохирска Лавра). Локалните жители, кои покажаа поддршка за територијалниот интегритет на Украина, беа насилно задржани таму од страна на руската војска“, се наведува во извештајот.
За време на увидот, оперативните службеници и истражителите на ССУ ги пронајдоа предметите што директно укажуваат на знаци на тортура. Во тек се истражни и оперативни постапки.
Откриени нови докази за руските воени злосторства при ексхумацијата во деокупираниот Свјатохирск, Лиман.
Вкупно 78 тела, вклучително и тела на деца, се ексхумирани во Свјатохирск и Лиман во регионот на Доњецк, ослободени од руските освојувачи, објави Украинското државно обвинителство на Телеграм, јавува дописникот на Укринформ.
Од 4-ти до10-ти октомври 2022 година, истражниот и обвинителскиот тим ги испитуваше градовите како Свјатохирск и Лиман, кои беа ослободени од руските трупи, и ги откри погребните места на локалните жители.
Во Свијатохирск, полициските службеници ексхумирале 34 тела, а некои од нив имале знаци на насилна смрт. Покрај тоа, во автомобил се пронајдени две изгорени тела, а нивниот идентитет допрва ќе се потврдува.
Во Лиман, на гробиштата Нова Маслијакивка се откриени околу 100 гробови. Меѓу закопаните во гробовите има и деца. Најмалото дете имало само една година, а било погребано заедно со целото семејство. Веќе се ексхумирани вкупно 44 тела.
Вооружените сили на Украина го ослободија Свјатохирск во регионот Доњецк од руските војници на 12 септември 2022 година. На 2 октомври 2022 година, украинскиот претседател Володимир Зеленски објави дека украинската војска целосно го исчистила Лиман во регионот Доњецк од руските освојувачи.
Подготви: Д.Мишев
