пишува: МАЈА ИВАНОВСКА
Постојаното ставање на удар на новинарите и медиумските работници и лечењето на сопствените фрустрации врз нив мора да престане. Новинарите и медиумските работници не се топовско месо врз кое треба да се кршат копјата на сите незадоволни и фрустрирани чинители во ова општество.
Последниот инцидент во кој полицаец се фати за својот полов орган пред камерите на екипите кои го проследуваат случајот Рекет и давањето исказ на Бојан Јовановски пред Обвинителството за организиран криминал и корупција е само показател плус за непочитувањето на оваа професија и нејзините претставници. Место за толеранција нема! Тоа што ваквото дело е чин на униформирано лице на целиот случај му дава дополнителна сериозност на случајот.
Крајно време е праксата на изживување, плукање, пцуење, па дури и физички напади, закани врз новинарската фела да престане!
За поздравување е експресната реакција на управата на затворот во Шутка, од каде што информираат дека полицаецот е веќе суспендиран, но и дека против него ќе биде покрената дисциплинска постапка. Ова е еден мал, но се надевам значаен чекор во заложбите за почитување на новинарската професија.
Преземање на содржините e ЗАБРАНЕТО (!!!), освен со писмена дозвола од ЦИВИЛ и тоа исклучиво според Условите за користење, авторски права и заштита на приватноста. Повредата на авторските права е забранета со закон.
Со преземање на било која содржина објавена на ЦИВИЛ Медиа, спротивно на Условите, се согласувате на ЦИВИЛ да му исплатите надоместок од 25.000 денари во рок од осум дена по преземањето на содржината. Оваа обврска не застарува, а за секое доцнење на исплатата ќе биде пресметана соодветна законска камата.
Доколку некоја содржина е потпишана со ЦИВИЛ Тим за комуникации, тогаш преземањето е дозволено во целост.
