Препораки и политики (Прв дел)
Меѓународната конференција „Одбрана на демократијата и човековите права во услови на војна, национализам и авторитаризам“ и тимовите на партнерските организации кои ја спроведоа иницијативата ги претставуваат овие препораки врз основа на водечките премиси кои вклучуваат:
- Обнова на политичката култура за јасно да се покаже посветеност на демократските вредности низ политичките поделби.
- Зајакнување на демократските институции преку транспарентност, отчетност и – пред сé – флексибилни модели на граѓанска контрола и граѓански ангажман.
- Спротивставување на авторитарните и крајно десничарските тенденции, националистичкиот радикализам и екстремизмот преку стратешко креирање политики, граѓански ангажман, меѓународна соработка и проактивни медиуми и едукативни иницијативи.
- Зајакнување и заштита на независните медиуми и граѓанското општество во нивните напори за борба против дезинформациите, хибридните закани и нападите врз демократијата и човековите права.
- Обнова и зајакнување на меѓународните сојузи за поттикнување соработка и отпорност во одбраната на демократските вредности.
- Развивање и застапување на стратегии за решително запирање на агресивната војна на Русија против Украина, обезбедување траен и праведен мир и спречување понатамошна империјалистичка експанзија и агресија.
- Развивање и застапување на стратегии за ставање крај на конфликтите во други погодени региони, како што се Блискиот Исток, Африка и пошироко, преку дипломатски напори, правни рамки, меѓународна солидарност и опиплива поддршка.
Градење меѓуполитички и општествени сојузи: Усвојување координирани стратегии за спротивставување на авторитаризмот и зајакнување на демократските институции
Контекст
Подемот на авторитаризмот, радикалниот национализам и подбуцнувањето на војни не само што влијаеше на функционирањето на демократските институции, туку и ги обликуваше перцепциите, ставовите и очекувањата на луѓето за демократијата. Напливот на пропагандата претставува радикална верзија на реалноста и поедноставена верзија на „другиот“, што го прави да изгледа невозможно решавањето на конфликти преку демократска и правна рамка.
И покрај овие предизвици, луѓето од различни политички и културни средини често споделуваат заеднички цели – како што се поддршка за пазарните економии, мобилноста, безбедноста и значително, европската инеграција. Во земјите аспиранти за ЕУ, и покрај неуспесите, мнозинството граѓани сé уште го одобруваат процесот на европска интеграција.
Ова претставува можност за обновување на довербата во демократските вредности и институции, во и надвор од ЕУ, преку поттикнување на значајни размени и програми за соработка. Овие би можеле да вклучуваат заеднички иницијативи за политики фокусирани на зајакнување на демократските институции, прекугранични дијалози за решавање на споделени политички предизвици и заеднички напори – на регионално ниво и пошироко – во области како медиумската писменост, демкратската едукација и граѓанското учество, вклучително заеднички активности за јавно застапување за заштита на демократијата и човековите права, регионални конференции, работилници, програми за обука и дигитални кампањи насочени кон негување на слободата на говорот, истовремено спротивставувајќи се на дезинформациите, говорот на омраза и непријателските пропагандни операции. Овие активности и програми, иако започнуваат во Европа, може да послужат како позитивен пример и на глобално ниво.
Препораки
За справување со хибридните закани, демократските општества и нивните одговорни политички структури и демократски институции мора да ја подобрат нивната способност да ги идентификуваат и да реагираат на ранливностите, од мешање во изборите до дезинформациите.
Ова бара конкретни активности, вклучително законодавни мерки и целна техничка и финансиска поддршка. Зајакнувањето на рамките за изборен интегритет, зајакнувањето на граѓанските организации (ГО) и медиумите за спроведување мониторинг системи кои детектираат и откриваат дезинформации и операции за малигни влијанија како и поддршката на локалните граѓани за набљудување на изборите преку финансиска и институционална поддршка претставуваат суштински чекори.
Развивањето на заеднички капмањи против пропагандите од страна на независните медиуми и граѓанското општество може да помогне во борбата против дезинформациите и зајакнувањето на демократската отпорност.
Продемократските движења, граѓанските иницијативи, независните медиуми и умерените низ политичкиот спектар мора да усвојат координирани стратегии за да се спротивстават на авторитаризмот и да ги заштитат фундаменталните права. Ова треба да го вклучи создавањето на меѓупартиски работни групи за дејствување, заеднички платформи за застапување и меѓународни партнерства насочени кон одбрана на демократските вредности.
Сега не е време за ривалство и поделби, туку момент за соработка, солидарност и обединување на напорите за заштита на демократијата.
Конкретни чекори, мерки и активности
- Законодавни и мерки на политики
- Да се воведат и спроведат закони кои ги штитат демократските институции, јавниот дискурс и изборниот интегритет, истовремено казнувајќи го странското и домашното мешање.
- Да се воспостават независни регулаторни тела за следење на дезинформациите, хибридните закани и операциите за политичко влијание.
- Да се развијат правни механизми за спротивставување на странски малигни финансирања во медиумите, политичките кампањи и граѓанските организации.
- Зајакнување на изборниот интегритет
- Да се спроведат сеопфатни системи за мониторинг на изборите за детектирање и откривање манипулации, мешање и измама.
- Да се обезбеди финансиска и логистичка поддршка за независните иницијативи за граѓанско набљудување на изборите.
- Да се подобрат мерките за сајбер безбедност за изборната инфраструктура за да се спречи хакирање и странско влијание.
- Зајакнување на граѓанското општество и независните медиуми
- Да се даде поддршка на граѓанските организации и независните медиуми во развивањето на ефективни мрежи за проверка на факти и следење на дезинформациите во реално време.
- Да се обезбеди финансирање за мониторинг заснован на граѓански организации и медиумски платформи фокусирани на истражување и спротивставување на крајно десничарски и операции на малигни влијанија.
- Да се поттикне соработка помеѓу медиумите, граѓанските организации и академските институции за подобрување на програмите за медиумска писменост.
- Спротивставување на дезинформациите и пропагандата
- Да се развијат иницијативи против пропагандата во партнерство со доверливи и посветени независни медиуми и граѓанско општество.
- Да се започнат големи кампањи за подигање на јавната свеста во однос на ризиците и влијанието на дезинформациите.
- Да се поттикнат платформите на социјалните медиуми да спроведуваат построги политики за умереност на содржината во однос на дезинформации спонзорирани од државата.
- Градење меѓусекторска соработка
- Да се воспостават меѓупартиски акциски работни групи за промовирање на демократијата и спротивставување на авторитарното влијание.
- Да се зајакнат меѓународните партнерства меѓу демкратските влади, организации и институции.
- Да им се олесни на платформите да споделуваат знаење помеѓу новинарите, истражувачите и креаторите на политики.
- Обезбедување финансиска и институционална поддршка
- Да се обезбедат механизми за долгорочно финансирање иницијативи за промовирање на демократијата и следење на хибридните закани.
- Да се доделат ресурси за програми за обука кои ќе ги опремат граѓанските актери, новинарите и креаторите на политики со вештини за борба против дезинформациите.
- Да се обезбеди директна поддршка на поединци и организации кои се соочуваат со правни и финансиски закани поради нивната продемократска работа.
