Организацијата на обединетите нации смета дека може да биде постигнат напредок во решавањето на 25-годишниот спор меѓу Грција и Македонија за името, ако има компромис кај раководставта и народите на двете земји, изјави заменик портпаролот на Светската организација Фархан Хак.
Во контекст на посетите на Метју Нимиц на Атина и на Скопје, Хак рече дека ОН целосно ја дели оценката на медијаторот дека е создаден позитивен импулс во релациите меѓу двете земји и оти е можно решение, пренесува МИА.
Нимиц, кој денеска е во Атина, а утре и задутре ќе биде во Скопје, на последната рунда разговори за името во Њујорк, презентира сет предлози за кои рече дека можат да резултираат со напредлок во наредните два месеца.
Во меѓувреме, во Давас се одржа и првата директна средба на премиерите на Македонија и на Грција, Зоран Заев и Алексис Ципрас, со позитивни оценки и оптимизам дека двете страни конечо можат да го затворат долгогодишниот спор за името.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
