Европското движење во Република Северна Македонија во партнерство со Општина Куманово, како и граѓанските здруженија АЛДА – Скопје и ЗФР – Велес, организираат панел-дискусија што денеска ќе се одржи во Општина Куманово во салата на Советот со почеток во 11:30 часот, која ќе биде посветена на претпристапните преговори за членство во Европската Унија.
Целта на панел-дискусијата е приближување на претпристапниот процес до поширок круг граѓани на општината Куманово и Североисточниот плански регион, со посебен акцент на споделување на искуствата од истражувањата на граѓанските организации со искуствата на другите релевантни чинители во однос на виталните прашања на урбаните сегменти на регионот, но и на прашања што би го забрзале развојот на руралните средини.
