Откако германскиот парламент ја изгласа одлуката за легализирање на истополови бракови со 393 гласа „за“ и 226 гласа „против“, иако беше против истополови бракови, и Меркел ја поздрави одлуката!
Германската канцеларка Ангела Меркел се спротистави на ваквиот потег, и била забележана како во кутијата за гласање ја внесува „црвената карта“ која значи глас против легализацијата на истополовите бракови.
„За мене, бракот во германскиот закон е брак меѓу маж и жена и затоа не гласав за овој закон денес“, изјави според „Индепендент“, канцеларката Меркел, по вжештената дебата во Бундестагот. Неколку денови претходно, таа изјави дека пратениците во нејзиниот блок, предводен од Христијанско-демократска партија треба да гласаат според својата совест, а не според партиски став. „Се надевам дека денешното гласање не само што ја промовира почитта меѓу различните мислења, туку исто така, носи и поголема социјална кохезија и мир”, додаде канцеларката. Таа истакна дека го поддржува усвојувањето на законот за целосни права за посвојување, за двојки од ист пол.
Волкер Бек, политичар на Зелената партија кој се залагаше за законската регулатива, ги повика конзервативците да го поддржат проширувањето на правото на брак, велејќи дека институцијата е „безбедна, но дискриминацијата против геј-мажите и лезбијките е завршена”.
Катрин Геринг-Екарт, претседател на Зелената партија, ја поздрави „историјата што се создава”, велејќи дека не ги разбира ЦДУ/ЦСУ што ја ограничува „конзервативната” институција за брак.
Веднаш по објавувањето на резултатите, „зелените“ прославувале со конфети со боја на виножито и со торта.
Политички аналитичари истакнаа дека и покрај осудата од критичарите поради тоа што не гласала „за“, Меркел била многу внимателна по ова прашање. Додека им се додворуваше на десничарските гласачи на лично ниво, таа на крајот, дозволи гласањето да се случи со ослободување на СПД од нивната обврска како коалициски партнер да не го стави Предлог-законот кога повика на „гласање на совеста”.
Германија им дозволи на паровите од ист пол да влезат во партнерство од 2001 година, но истополовите бракови во тоа време, сè уште беа незаконски.
Холандија беше првата европска земја која го легализираше истополовиот брак уште во 2001 година, по што следеа: Белгија, Шпанија, Канада, Норвешка, Шведска, Португалија, Исланд, Данска, Франција и Велика Британија.
