Петмина поранешни секретари за одбрана на САД во четвртокот го осудија „непромисленото“ отпуштање од страна на претседателот Доналд Трамп на претседателот на Здружениот Генералштаб и други високи офицери и го повикаа Конгресот да прекине со секоја потврда за нивните наследници, објави Ројтерс, пренесува ЦИВИЛ Медиа.
Во жестоко писмо, тие, исто така, го обвинија Трамп дека сака да ја претвори аполитичната американска војска во инструмент на партиска политика и дека користи отпуштања, кои се протегаат на највисоките правници во армијата, морнарицата и воздухопловните сили, за „да се отстранат правните ограничувања на моќта на претседателот“.
Писмото беше напишано од Џејмс Матис, пензиониран марински генерал кој беше прв шеф на Пентагон на Трамп од 2017 до 2019 година, како и четворица секретари за одбрана кои служеа под демократските администрации.
„Активностите на претседателот Трамп ја поткопуваат нашата целосно доброволна сила и ја ослабуваат нашата национална безбедност“, напишаа тие.
Покрај Матис, потписниците на писмото – Вилијам Пери, Леон Панета, Чак Хејгел и Лојд Остин – служеа под претседателските администрации на Демократската партија на Бил Клинтон, Барак Обама и Џо Бајден.
Д. Мишев
