Лицемерно и неодговорно е да се криеш од јавни соочувања и да одбиваш покани за ТВ дуели, а да се обидуваш да се оправдаш преку ФБ статуси. Македонската јавност и македонската полиција заслужуваат повеќе од ФБ пост или нарачани интервјуа, напиша на фејсбук, Славјанка Петровска, дополнителен заменик-министер за внатрешни работи, обвинувајќи го техничкиот министер за внатрешни работи Наќе Чулев дека бројот на заболени е резултат на неговата колебливост и нерешителност..
https://www.facebook.com/slavjanka.petrovska/posts/10221672015252335
-Изминатите денови не убедуваше дека полицијата не треба да казнува туку да биде внимателна. Моите предлози за порешителни акции беа игнорирани. Началниците назначени од тебе саркастично кажуваа дека полицајците немале метро за да измерат два метра растојание!!! И Министерот за внатрешни работи ова го оправдуваше. Директорот на БЈБ испраќа телеграми кои твоите началници ги кријат во фиока. Бројот на заболени е резултат на колебливоста и обидите да се биде допадлив во ситуации кога ни треба решителност- напиша Петровска.
