Десничарската влада на Полска го одложи спроведувањето на контроверзната судска пресуда, со која ќе се забранува речиси целосно абортусот, откако ги предизвика најголемите протести од падот на комунизмот.
„Постои дискусија и би било добро да одвоите малку време за дијалог и за изнаоѓање нова позиција во оваа ситуација, што е тешко и предизвикува високи емоции“, рече за Михаш Дворчик, шефот на канцеларијата на премиерот, пренесуваат полските медиуми.
Повеќе од половина милион луѓе во Полска секојдневно протестираат од 22 октомври, кога полскиот Уставен суд забрани аборус во случај, дури и ако фетусот има вродени оштетувања, со што дополнително се заостри еден од најрестриктивните закони за аборутс во Европа.
Со одлука на судот, абортус во Полска е дозволен само ако е загрозено здравјето на мајката или бременоста е резултат на кривично дела, како силување или инцест.
На 31 октомври, центарот на градот Варшава беше преземен од 150 000 лути, но надежни луѓе во акт на масовна граѓанска непослушност, поттикнат од одлуката на уставниот суд.
И покрај огромниот број полицајци и паравоени жандарми на улиците, неколку пати демонстрантите беа нападнати од групи националисти кои фрлаа со огнено оружје, камења и други ракети кон толпата.
Полицијата уапси 37 лица, од кои 35 беа идентификувани како фудбалски хулигани.
Луѓето маршираа во повеќе помали градови што порано се сметаа за упоришта на крајната десница.
„Ова е незамисливо дека жените во 21 век не можат да донесуваат одлуки за своите тела“, рече Беата, која учествуваше во маршевите на Вроцлав.
Одлуката на Уставниот суд на земјата вети дополнително заострување на полските закони за абортус, кои веќе беа едни од најстрогите во Европа. Трибуналот пресуди дека абортусот треба да биде нелегален дури и во случаи кога на фетус му е дијагностицирана сериозна и неповратна мана на раѓање.
