Поради долг на „Македонската радио-телевизија“ (МРТ), гледачите можеби нема да имаат можност да видат ново запросување на македонските учесници како што беше ланскиот случај, бидејќи наскоро може да останат без „Евровизија“ во 2018 година. Според истражувањето на ПИНА, гледачите на МРТ може да останат и без европски спортски првенства, странски програми, филмови и без странски документарци поради натрупан долг кон Европската радиодифузна унија (ЕБУ).
„За жал, Македонската радио телевизија повеќе нема пристап до нашите услуги додека не го исплати долгот“, вели за ПИНА, Клер Рајфорд, виш службеник за комуникации на ЕБУ.
Извор од програмскиот совет на МРТ, кој сакаше да остане анонимен, за ПИНА открива дека долгот надминува 500.000 евра. Ова можеби изгледа ситно во споредба со огромниот долг што националниот сервис го има натрупано низ годиниве, а кој е поголем од вкупните годишни приходи на телевизијата. На крајот на 2016 година, МРТ имала приходи од 19,3 милиони евра, а вкупниот долг натрупан со години кон домашни и странски доверители бил 21,8 милиони евра. И додека доверителите засега не креваат прашина, од ЕБУ не седат со скрстени раце и подготвуваат санкции за телевизијата.
Дали ќе следува присилна наплата, како што досега МРТ преку извршители им ги блокираше сметките на стотина граѓан(к)и? Дали вработените во МРТ добиваа(т) плата…
Д. Муратов
