Поранешниот извршен директор на Гугл е загрижен дека вештачката интелигенција би можела да биде искористена од терористи или „нечесни држави“ за да „наштетат на невини луѓе“.
„Вистинските стравови што ги имам не се оние што повеќето луѓе зборуваат за вештачката интелигенција – јас зборувам за екстремен ризик“, изјави Ерик Шмит за Би-Би-Си.
Технолошкиот милијардер, кој имаше високи позиции во Google од 2001 до 2017 година, изјави за програмата Today „Северна Кореја, или Иран, па дури и Русија“ може да ја усвои и злоупотреби технологијата за создавање биолошко оружје.
Тој повика на владин надзор врз приватните технолошки компании кои развиваат модели со вештачка интелигенција, но предупреди дека прекумерната регулација може да ја задуши иновативноста.
Подготви: Д. Мишев
