Според српските медиуми, повеќе граѓани беа приведени утрово (30 јуни) по вчерашните протести во Белград. Според медиумите, полицијата ги отстрани сите блокади на протестите на патиштата во Белград, соопшти Министерството за внатрешни работи на Србија (МВР).
Полицијата ги отстрани барикадите и во други градови, каде што демонстрантите ги поставија на десетици локации претходната вечер (29 јуни) – како форма на „граѓанска непослушност“ по големиот студентски протест во Белград.
Во полициското соопштение не се наведува бројот на приведени лица откако беа отстранети блокадите на патиштата.
Студентите во блокадата на факултетите во Белград објавија на социјалните мрежи видеа од апсењата на одредени блокади, велејќи дека „луѓето биле тепани и лишени од слобода“.
Од ноември 2024 година, во Србија се одржуваат масовни протести, предводени од студенти во блокадата.
Vojvode Stepe, policija hapsi studente pic.twitter.com/92PJb4mlDZ
— Kreni-Promeni (@KPromeni) June 30, 2025
Од друга страна, српското МВР оценува дека полицијата постапила „високо професионално“.
Тие тврдат дека полицијата ги привела поради напад и навреда на полицијата и нарушување на јавниот ред и мир.
Според полицијата, сообраќајот во Белград може да „функционира нормално“.
Протестните блокади на патиштата, на десетици локации во српските градови, започнаа на 29 јуни попладне.
Тие се организирани од неформални собири на граѓани, на покана на студенти кои блокираат десетици факултети низ цела Србија во последните седум месеци.
Демонстрантите презентираат три барања до владата.
Тие бараат распишување предвремени избори, како и ослободување на сите уапсени за време на инцидентите по студентскиот протест на 28 јуни.
Третото барање е отстранување на кампот што беше поставен во центарот на Белград пред неколку месеци од страна на противниците на студентските блокади.
Студентите во блокадата, преку социјалните медиуми, ги повикаа граѓаните да продолжат со „граѓанска непослушност“ и да блокираат улици низ цела Србија на 30 јуни.
Добро јутро Србијо!
Баш је лепо слободно шетати. 🟢 pic.twitter.com/pdKkdjUqLS— Studenti_U_Blokadi (@studentblokade) June 30, 2025
Од ноември 2024 година, во Србија се одржуваат масовни протести, предводени од студенти во блокадата.
Стотици илјади луѓе од почетокот на протестите на улиците бараат одговорност од властите за смртта на 16 лица во несреќа во Нови Сад.
Д. Т.
