Според истражувањата, довербата во невладините организации е прилично мала. Затоа, важно е прашањето што треба невладините да направат за да ја заслужат довербата на граѓанките и граѓаните. Многу е важно учеството во ова прашање, особено затоа што граѓанскиот сектор е своевиден барометар на демократијата во една земја.
ПРАШАЊЕ НА ДЕНОТ: Што треба да направат невладините организации за да се зајакне довербата во нив?
Редакција ЦивилМедиа ги повикува сите заинтересирани граѓанки и граѓани да одговорат на ова, но и на претходните прашања на денот во коментарите на објавата.
Некои прашања се деликатни, така што, освен во коментари, секогаш постои можноста да се биде анонимен, па одговорите на Прашањето на денот да се даваат анонимно, во порака на месинџер или на другите онлајн контакти на ЦИВИЛ.
Најдобрите одговори ќе бидат објавени во посебен прилог.
Сите прашања на денот може да се најдат во рубриката ФОРУМ на интернет весникот ЦивилМедиа.
Редакција ЦивилМедиа
