Во организација на Фондацијата за интернет и општество – Метаморфозис и Центарот за европски стратегии Евротинк, денеска ќе биде презентиран проектот „Со критичко мислење до граѓани со медиумска умешност – КриТинк“, кој има цел да се поттикне соработката на полето на развој на критичко мислење и медиумска писменост во духот на отвореност и соработка на сите засегнати страни.
Според организаторите, како основ за дискусија преку која учесниците ќе може да ги презентираат своите идеи и потреби, претставници на проектниот тим концизно ќе ги објаснат целите на проектот и очекувањата. Како дел од претставувањето на контекстот претставничката на Агенцијата за аудиовизуелни и медиумски услуги (АВМУ) ќе има можност да ги пренесе ставовите и согледувањата на Агенцијата во областа на медиумска писменост, како и да ги претстави пошироките можности за соработка преку Мрежата за медиумска писменост на РМ.
Проектот, со поддршка на ЕУ ќе се спроведува во наредните три години.
