• Latest

Протести на група пензионери, реални барања или политичка манипулација

August 10, 2023
Фотомонтажа од скриншотови од Тиме.мк и сајтови, и објава на Генералштабот на украинските вооружени сили на Фејсбук

Мониторинг на ЦИВИЛ: Манипулативни наслови од руската пропагандна кујна во дел од македонските медиуми

August 27, 2025

24 ЧАСА: Запрена постапката за преземање на Стопанска банка Битола, два дена по анализата на ЦИВИЛ; Муцунски бара гаранции од ЕУ за уставните измени; НАТО бомбардери пресретнаа руски шпионски авион

August 27, 2025
Фото: nis.rs

САД повторно ги одложија санкциите против српската нафтена компанија НИС

August 27, 2025

РЕАКЦИИ: Граѓаните за кампањите на партиите и независните – на овие избори нека се мери разумот, а не лажните ветувања

August 27, 2025

Филипче: Во првиот круг од локалните избори СДСМ оди со сегашната коалиција, а во вториот и со партии од албанскиот блок

August 27, 2025
Илустрација ВИ

Хибридни закани – „тивката“ војна за гласови, што е што во изборен контекст

August 27, 2025

ПРАШАЊЕ НА ДЕНОТ: Што мислите за тврдењето на власта дека народот живее побогато од порано?

August 27, 2025
Илустрација: CIVIL Media / AI (OpenAI DALL·E)

Запрена постапката за преземање на Стопанска банка Битола од Алта Груп, два дена по анализата објавена на медиумската платформа на ЦИВИЛ

August 27, 2025

ДЗР: Немањето Закон за климатска акција негативно влијае во институционалната координација за справување со климатските промени

August 27, 2025
Фотгорафија: Независни заедно

„Независни заедно“ го промовираа Горан Марковски, декан на Градежниот факултет при УКИМ за кандидат за градоначалник на Град Скопје

August 27, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СОЦИЈАЛНА ПРАВДА

Протести на група пензионери, реални барања или политичка манипулација

August 10, 2023 13:46
in ВЕСТИ, ЕКОНОМИЈА, ПОЛИТИКА, СОЦИЈАЛНА ПРАВДА
Share on FacebookShare on Twitter

Покачување на минималната пензија со минималната плата и линеарно зголемување на сите пензии, побараа група пензионери на протест во Скопје. На протестот, кој се одржа во Жена парк, пензионерите посочија дека не се работи за партиски, туку за егзистенцијален протест. Тие бараат покачувањата на пензиите за сите пензионери да бидат по 3.500 денари, како и за најмалите, така и за најголемите пензии.

-Да се покачи минималната пензија, задолжително и што побрзо. Висината на минималната пензија да биде со висина на минималната плата. Второто барање е, што е исто многу оправдано, покачувањата да бидат линеарни, да не бидат процентуални. За сите пензионери да бидат по 3.500 денари, на секое покачување, како и за најмалите, така и за најголемите пензии. Нема зошто да има разлика. Тоа што се плаќале придонеси на времето што често ги споменуваат луѓето тоа биле за да си земат поголеми пензии. Меѓутоа, пензионер е пензионер. Не придонесува повеќе, нема зошто да се прави категоризација на висината на покачувањето. Продавницте за сите се исти, цените се за сите исти, услугите здравствени се исти. Се е потполно исто. Значи, нема зошто да има разлика, изјави Сузана Шкоф.

Претходно неколку протести со истите барања се одржаа и во други градови во Македонија.

Согласно новата Методологија за пресметување на пензии, во март просечната пензија од 17.666 денари се зголеми на 19.150 денари.

Актуелната методологија обезбедува историски најголем и континуиран раст на пензиите, протестите не се решение

Министерката за труд и социјална политика, Јована Тренчевска, вели дека протестите не се решение, ниту притисокот, ниту манипулациите со кои се мотивираат пензионерите да протестираат, и дека актуелната методологија обезбедува историски најголем и континуиран раст на пензиите.

– Протестите се политички мотивирани. Повеќе од очигледно е дека се поттикнуваат да наметнат мислење и креираат тензична ситуација во период кога јасно се гледа грижата за секој граѓанин во државата, посебно кога е очигледна грижата за пензионерите, вели министерката.

Во насока на тоа колку се реални и основани барањата за зголемување на пензиите што ги најавија одделни групи пензионери во неколку градови во земјата, Тренчевска изјави дека се покажа дека „после една година од нејзиното усвојување заклучок е дека новата методологија за усогласување на пензиите, односно раст на пензиите е најреална затоа што ги следи двата клучни индикатори: трошоците за живот и просечната плата“.

– За сметка на оваа нова Методологија пензиите растат во континуитет. Да потсетам дека со претходната методологија пензиите во месец јануари 2022 година пораснаа за 2.9 отсто, а со новата, актѕуелна методологија, пензионерите добија повисоки пензии за околу 21 отсто, истакнува во изјавата министерката Тренчевска.

Таа потсетува дека во Септември 2022 година порастот беше 6,8 отсто, во март оваа година 8,4 отсто и дека според моменталната проекција за септември 2023 година најавува раст за најмалку  6 отсто.

– Тоа е раст на пензиите од околу 21 отсто, или раст за околу 24 отсто од јануари 2022 до септември 2023 година. Односно за времето од овој владин состав. Посебно треба да се истакне  дека пензиите редовно се исплаќаат без задоцнување, што преставува основен и сигурен извор за егзистенција на корисниците на пензија, вели министерката за труд и социјална политика Јованка Тренчевска.

Во 2017 година најниската исплатена пензија беше во висина од 8.571 денари, а просечната 13,954 денари. За споредба, во јуни 2023 година најниската исплатена пензија изнесуваше 12,500, а просечната исплатена пензија достигна 19,106 денари.

– Лично сум убедена дека покачувањето еднократно од 3.500 денари не носи гаранција за стабилен раст на пензиите и сигурност на највозрасните граѓани на нашата земја. Тоа не навраќа во 2014 година, кога редовното законско усогласување беше ставено вон сила и се вршеше линеарно усогласување во фиксен износ од 600 денари еднаш годишно, потсетува Тренчевска.

Сегашната методологија за раст на пензиите, со која за една година се зголемија пензиите за 24 отсто е неспоредливо подобра од еднократните интервенции во 2015 година со фиксен износ од 621 денар и истоа така еднократно во 2016 година со 654 денари.

Пласирањето погрешни информации креираат забуна кај пензионерите

Станка Трајкова, претседателка на Сојузот на Здруженија на пензионерите, вели дека со посебно внимание ги следат случувањата во врска со протестите на група пензионери за зголемување на најниските пензии. Со цел да се обезбеди целосна информираност на пензионерите за фактичката и правната состојба во врска со нивниот статус, Сојузот изготви низа препораки и мислења.

– Особено внимание посветуваме на нашите корисници кои примаат ниска пензија, и затоа периодот работиме на предлози и Методологија со која ќе седнеме на преговарачка маса со надлежните институции и ќе креираме услови за воведување на минимална пензија, како сигурна алатка за достоинствен живот на пензионерите, вели Трајкова.

Таа укажува дека од соработката со Министерството за труд и социјална политика изминатиот период  произлегоа низа активности кои имаат за цел подобрување на материјалната положба на корисниците со ниски пензиикако што беше соодветната тримесечна парична помош, субвенционирањето на електричната енергија, пакети со прехранбени производи, ослободувањето од плаќање на партиципација за болничко лекување за корисници на пензија чии примања изнесуваат до 14.500 денари и други погодности за пензионерите

Трајкова уште вели дека пласирањето погрешни информации креираат забуна кај членови пензионери и дека претстои период кога секој од претседателите на локалните Здруженија на пензионерите ќе биде почесто на терен, ќе разговара со корисниците, ќе креира нова листа на препораки и потреби на корисниците за да започне нов поинтензивен дијалог со Министерството за труд и социјална политика.

– Јас и самата сум пензионер, верувај секој од нас го гледа и бара најдоброто решение за пензионерите, и овозможувањето на достоинствен живот продолжува да биде наша главна цел, Претседателката на Сојузот на пензионерите Станка Трајкова.

Од Партијата на пензионери бараат ВМРО-ДПМНЕ да не манипулира со пензионерите

Партијата на пензионери, со внимание, ги проследи протестите на групи пензионери, особено во врска со искажаните заложби за враќање на начинот на усогласување на пензиите како во време на владеење на ВМРО–ДПМНЕ, поради што искажуваме загриженост дека оваа политичка партија повторно со манипулации се обидува да придобие наклоност од неинформираните пензионери, во функција на нивната политичка агенда која не нуди никакви реални и поволни придобивки за пензионерите, се наведува во соопштението на Партија на пензионери.

Оттаму истакнуваат дека Партија на пензионери секогаш и со разбирање ги проследува иницијативите, кои доаѓаат од пензионерите, доколку се остварливи и се однесуваат на подобрување на материјалниот статус и економска сигурност на пензионерите.

Нема ниту еден ден доцнење на исплатата на пензиите, растот на истите е континуиран

Во меѓувреме излегоа шпекулации, кои Министерството за труд и социјална политика одма ги демантираше, дека Фондот за пензиско и инвалидско осигурување е во криза и државата доцни со исплатите кон банките.

Го демантираме и го отфрламе тврдењата дека Фондот за пензиско и инвалидско осигурување е во криза и државата доцни со исплатите кон банките, соопштуваат од Министерството за труд и социјална политика.

Оттаму потврдуваат дека во изминатите години нема ниту еден ден доцнење на исплатата на пензиите, а растот на истите е континуиран и јасно забележлив. Трансферите кон ПИОМ се навремени и сигурни, дури и во време на Ковид пандемијата, кога започна првата предвремена исплата на пензиите.

„Со последните измени на Законот за пензиското и инвалидското осигурување, кои стапија на сила во март 2022 година, и воведувањето на  новиот начин на усогласување на пензијата, со усогласување со комбиниран модел од 50% пораст на просечната плата и 50% пораст на трошоци на живот пензиите пораснаа за околу 21 %. Првото усогласување  во Септември 2022 година беше 6.8%, второто во Март 2023година  – 8.4% и моменталната проекција за Септември 2023 година- најмалку 6 отсто.

Ниту едно од овие зголемувања не ја загрози стабилноста на Фондот, ниту ја поремети редовната исплата на пензиите.

Тоа е јасен показател на посветеноста кон граѓаните и стратешкиот избор на донесени политики како и долгорочното планирање кое обезбедува стабилност на Пензискиот Фонд, но и сигурност на пензионерите.

Пензионерите се приоритет на Владата на Република Северна Македонија. Во овој владин состав се донесоа низа мерки за помош и поддршка на пензионерите, и трендот не сопира. Предлозите од пензионерите се на маса, се дискутира за истите и во најскоро време ќе продолжиме со промоција на нови мерки и пакети кои ќе осигурат достоинствен живот на пензионерите и понатаму.

Министерството за труд и социјална политика апелира да не се креираат страв кај пензионерите и да не се манипулира со недостатокот на информации кои го имаат, а се со цел да се обезбеди масовност на протестите кои се политички обоени“, се наведува во соопштението од Министерството за труд и социјална политика.

Извор: Фронтлајн.мк

Print Friendly, PDF & Email
Tags: пензииТренчевска
Share33Tweet21Send

НАЈЧИТАНИ 5

  • СРПСКИ (БУРАЗЕРСКИ) СВЕТ: Ќе добие ли ВМРО-ДПМНЕ своја банка?

    118 shares
    Share 47 Tweet 30
  • Разрешени и избрани нови членови на општински изборни комисии за Локалните избори 2025

    97 shares
    Share 39 Tweet 24
  • МВР го уапси родителот кој го предизвика инцидентот во Штип, ФФМ, Шкупи и Брегалница го осудија – спортот не треба да биде арена за физички конфронтации

    92 shares
    Share 37 Tweet 23
  • Јагода и вестите

    90 shares
    Share 36 Tweet 23
  • „Сé се тоа глупости“ – Трамп одговори на нападите на Русија врз легитимитетот на Зеленски, се закани со „економска војна“ со Москва

    89 shares
    Share 36 Tweet 22
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ