• Latest

Претседателски избори во Црна Гора: Ѓукановиќ фаворит, но само во првиот круг

April 13, 2018

Поднесено обвинение за таткото кој повреди малолетни играчи од спортивниот тим на натпреварот во Штип

August 29, 2025
Фото: Скриншот од веб

Мониторинг на ЦИВИЛ: РИА Новости – координатор на руските дезинформации во земјава и регионот

August 29, 2025
Илустрација: ВИ

РЕАКЦИИ: Луксуз за функционерите, немаштија за граѓаните

August 29, 2025
Фото: Скриншот од видео на
CNA

Тајландската премиерка отстранета од функцијата по скандалот со протечениот телефонски разговор со поранешниот камбоџански премиер

August 29, 2025
Фото: Украинска амбасадорка Лариса Дир/Х

Амбасадорката Дир: Денот на сеќавање на бранителите и бранителките на Украина, им оддаваме почит на сите што го дадоа својот живот– тоа е болка што потсетува на страшната цена на слободата

August 29, 2025
Фото: Wikimedia commons

Стејт департментот одобри продажба на оружје на Украина во вредност од 825 милиони долари

August 29, 2025
Фото: Цивил

Бранимир Јовановиќ за ЦИВИЛ МЕДИА: Има една шега во статистиката – ако доволно ги мачите податоците, тие ќе признаат сѐ што сакате – изгледа ВМРО буквално ја сфатиле

August 29, 2025

Репортери без граници: Насилство врз новинарите во Србија-регистрирани се 34 напади за помалку од два месеци

August 29, 2025
Обновливи извори на енергија

Њујорк Тајмс: Вашингтон врши притисок – повеќе јаглен и нафта, помалку климатски заложби

August 29, 2025
Фото: Скриншот од видео на CBS News

(ВИДЕО) Тепачка во мексиканскиот Сенат по дебатата за американската воена интервенција

August 29, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ВЕСТИ

Претседателски избори во Црна Гора: Ѓукановиќ фаворит, но само во првиот круг

April 13, 2018 10:03
in ВЕСТИ, РЕГИОН
Share on FacebookShare on Twitter

Жителите на Црна Гора со право на глас в недела ќе избираат нов претседател, кој ќе треба да го наследи актуелниот шеф на државата Филип Вујановиќ, кој веќе 15 години се наоѓа на таа позиција.

Во трка за претседателската функција се седуммина кандидати, но најсериозни претенденти за местото нов претседател на Црна Гора се лидерот на владејачката Демократска партија на социјалистите (ДПС), Мило Ѓукановиќ и независниот кандидат Младен Бојаниќ, кој ја има поддршката на поголемиот дел од опозициските партии.

Анкетите на јавното мислење покажуваат дека в недела Ѓукановиќ ќе освои околу 50 проценти од гласовите, додека Бојаниќ, чија кандидатура ја поддржаа Демократскиот фронт (ДФ), Демократска Црна Гора (ДЦГ), Социјалистичката народна партија (СНП), Обедиената реформска акција (УРА) и Обединета Црна Гора (УЦГ), може да очекува околу 35 отсто поддршка.

Од останатите кандидати, единствената жена во трката Драгиња Вуксановиќ од Социјалдемократската партија (СДП) ужива поддршка на околу осум проценти од гласчите, Марко Милачиќ од партијата Вистинска Црна Гора (ПЦГ) може да се надева на околу три отсто, а тројцата останти кандидати заедно – Хазбија Калач од Партијата на правдата и помирувањето (СПП), Добрило Дедеиќ од Српската листа (СЛ) и независниот кандидат поддржан од Партијата на обединетите пензионери и инвалиди (ПУПИ), Василије Миличковиќ – имаат поддршка на околу три проценти од избирачите.

Ѓукановиќ, кој по парламентарните избори во октомври 2016 година, најави повлекување од активната политика, сепак реши да се врати од „политичката пензија“ и да се кандидира на овие избори. Тој е политичарот со најдолг политички стаж и важи за ветеран меѓу балканските политичари – во изминативе 29 години е на некоја од клучните позиции во државата – претседател, премиер или лидер на  ДПС, која сама или во коалиција со други партии е на власт во Црна Гора од 1990 година.

Претставници на партијата сметаат дека Ѓукановиќ ќе победи уште во првиот круг и дека уште в недела Црна Гора ќе добие нов претседател. Во прилог на ваквиот нивни оптимизма оди фактот што опозицијата ниту на овие избори не успеа целосно да се обедини и да настапи со заеднички кандидат.

Аналитичарите проценуваат дека Ѓукановиќ има многу поголеми шанси да стане шеф на државата в недела, отколку ако се оди на втор круг. Тие сметат дека ако во првиот круг не успее да ги освои неопходните над 50 проценти од гласовите, тогаш во вториот круг ќе се најде сам против сите и не е исклучено да дојде до хомогенизација на гласачите на опозицијата, при што тој би можел да биде поразен од некој од опозициските кандидати, најверојатно Бојаниќ.

Зад кандидатурата на Ѓукановиќ, покрај неговата ДПС застанаа и помалите партии од владината коалиција – Либералната партија (ЛП), Социјалдемократите (СД), Хрватската граѓанска иницијатива (ХГИ), Новата демократска сила (ФОРЦА), Демократската унија на Албанците (ДУА) и Бошњачката партија (БС), но тој во предизборната кампања повеќепати апелираше до поддржувачите на СДП, која 17 години беше коалициски партнер на ДПС, да гласаат за него, наместо за Вуксановиќ со цел „да не расфрлаат гласовите“.

Но, и Вуксановиќ не му остана должна на Ѓукановиќ, обвинувајќи го за „економско пропаѓање на Црна Гора, промашена приватизација, за распродажба на државниот имот и за поттикнување на криминалот и корупцијата“.

Многумина независни аналитичари проценуваат дека токму Вуксановиќ имала „најквалитетна изборна кампања“, но како нејзин „хендикеп“ го посочуваат фактот што доаѓа од партија која ја има хипотеката на долгогодишен коалициски партнер на ДПС и која учествувала или ги одобрувала одлуките за кои сега го обвинува Ѓукановиќ.

Главниот противкандидат на Ѓукановиќ, Бојаниќ водеше кампања при која на неговите митинзи и собири речиси и да не се појавија лидерите на партиите што ја поддржуваат неговата кандидатура, при што тој инсистираше на истакнување на неговата независност. Меѓутоа, повеќето аналитичари наведуваат дека и покрај ваквиот пристап, кампањата на Бојаниќ била „млака и неубедлива“, па некои дури изразија сомнеж дали тој бил „вистинскиот човек“ за заеднички опозициски претседателски кандидат.

Опозицијата се обидува да ги привлече гласачите порачувајќи дека овие избори се од клучно значење, бидејќи на нив не се гласа „само против Ѓукановиќ, туку и порив целиот систем изграден во последните три децении“.

Самата изборна кампања мина мирно и без поголема еуфорија, проследена со ветувања до гласачите и со размена на критики меѓу претседателските кандидати.

Политичкиот аналитичар Сергеј Секуловиќ оценува дека кампањата минала без „тешки зборови и испади“ и без преголем притисок и еуфорија, како што беше случај на сите досегашни избори.

Според него, евентуалната помала излезност на гласачите би била во полза на Ѓукановиќ и би му овозможила победа уште во првиот круг.

– Излезност од 60 до 65 отсто би била поволна за кандидатот на ДПС, односно за Ѓукановиќ, бидејќи тогаш тој би можел да победи благодарение на изборната машинерија, потпомогната од малцинските партии. Излезност од 70 отсто, би ги зголемиле шансите за втор круг, додава Секуловиќ.

Историчарот Живко Андријашевиќ пак смета дека на Црна Гора и е потребно да има претседател кој ќе биде државник, „човек кој знае како се прави држава и како треба да се бори за нејзините интереси“.

[divide]

Извор: МИА

Print Friendly, PDF & Email
Tags: изборирегионЦрна Гора
Share33Tweet21Send

НАЈЧИТАНИ 5

  • СРПСКИ (БУРАЗЕРСКИ) СВЕТ: Ќе добие ли ВМРО-ДПМНЕ своја банка?

    122 shares
    Share 49 Tweet 31
  • Разрешени и избрани нови членови на општински изборни комисии за Локалните избори 2025

    98 shares
    Share 39 Tweet 25
  • МВР го уапси родителот кој го предизвика инцидентот во Штип, ФФМ, Шкупи и Брегалница го осудија – спортот не треба да биде арена за физички конфронтации

    92 shares
    Share 37 Tweet 23
  • Јагода и вестите

    90 shares
    Share 36 Tweet 23
  • ВМРО-ДПМНЕ добива своја „послушна“ банка, Србија – ново средство за влијание

    90 shares
    Share 36 Tweet 23
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ