ЦивилМедиа на својата Фејсбук страница го постави ПРАШАЊЕТО НА ДЕНОТ: Што треба да се направи за побезбеден сообраќај?
Oд пораките и коментарите што пристигнаа од нашите читатели може да се заклучи дека граѓаните безбедноста во сообраќајот ја препишуваат не само на граѓанската одговорност и сообраќајна култура, туку и на судството, полицијата и сообраќајната инфраструктура.
Во нивните одговори може да се види дека барањата се однесуваат на почитување на законите, некорумпирани судство и полиција, едукација, построги казни, подобра инфраструктура и подобрување на јавниот превоз:
Многу по квалитетен и по разновиден градски сообраќај, што би требало да ја развие граѓанската свест за намалување на нерационално користење на возилата, потоа МНОГУ по квалитетни патишта, забрана на одредени делови од градот за сообраќај освен за специјални возила( полиција, брза помош, такси и сл. ), а нај битно – не корумпирано и независно судство и професионална полиција.
Сообраќајот не може да се направи побезбеден, луѓето треба да се направат да бидат актери на побезбеден сообраќај. Прашањето е културно, а не сообраќајно, а тоа значи дека треба да се елиминира вмро, а не сообраќајот!
Одговорност. Од прв до последен да одговараат како помагатели во извршување на стореното дело.. Мора да се стави до знаење дека никој не над законот..
Поголемо присуство на полицијата на терен. Ваков инцидент со смртни последици направен на булевар, треба трајно одземање на возачката дозвола и пресуда од судот со најмалку 10 години затвор,а тој судија што ќе потклекне на притисоци и донесе поблага пресуда, да се казни и он со бркање од работа и најмалку три години затвор. Тогаш ќе видете дали ќе биде 2% или 98% доверба за судството. Ова што се прави е СРАМ за обичниот неук човек ,а не пак за фелата.
Да се затвори Јустинијан, да се избрка наставниот персонал и да се создаде Правен факултет.
Да се отпушти цело судство, и да се увезе ново.
Замислете држава со независно судство во која секоја незаконитост се казнува соодветно и праведно, на пример во здравството, во образованието, во градежништвото, во извршната власт, и во самото судство…
Големи казни кои нема да застаруваат или да се кинат.Каде е Сејв сити.Само почнува а никако да почне.Камери имаше и порано ама само за тендери не за казнување.
Треба да се заменат двата милиони население со други два милиони…за да се охрабри еволуцијата да дојде повторно во обиколка, да каже “оооо, па тука сега има материјал”
Трајно одземање на возилото за возење без дозвола, или по втор пат пијан фатен!!
Се е направено, само треба да се почитуваат законите. Ете детиштето што пијано го усмрти девојчето со години има криминално досие,но за жал изречените казни не соодветствуваат на сторените дела… бил дете на важен ти татко,па судовие за се суделе мижејки.Ќе видиме дали и за ова ќе одмолчат.Полиција на улици да контролира и казнува учесници во сообраќајот ,само страв од казна ќе ги натера да почитуваат правила.Анализа на податоците за видовите возила, ризичните места, ризичните профили (фамилијарно!) и потоа управување и контрола на шемите кои ќе произлезат од анализата, заедно со чести акции на запирања за увид на состојбата и документацијата на возачите и возилата.На долгите булевари како Партизанска и останатите меѓу два семафора да има легнати полицајци за да не се вози брзо, и на 2 м пред секој пешачки премин.
1. Подобрување на инфраструктурата – Подобри патишта, добро осветлување, јасна сигнализација и безбедни премини за пешаците.2. Зајакнување на законите и спроведување на правилатa.3. Едукација на возачите и пешаците – Кампањи за подигнување на свеста за ризиците и важноста на почитувањето на сообраќајните правила.4. Подобри технологии – Паметни камери, паметни семафори.5. Повеќе јавен превоз.6. Подигање на свеста за културата на возење.
Прво покачување на културата во осмолетките формирање работни групи во соработка со милицијата. Камери блицови и поголеми казни.
