ЦИВИЛ Медиа го постави на својата Фејсбук страница прашањето – Што за нашата држава значи назначувањето на Радмила Шекеринска за втор човек на НАТО?
Најголемиот дел од одговорите се дека тоа е чест, гордост, професионализам и вистински пат кон ЕУ.
Ви пренесуваме само дел од одговорите:
- „Значи трошка надеж дека некој во светот нè зема за сериозно“.
- „Назначувањето на почитуваната Шеќеринска за втор човек на НАТО значи дека светот мисли во Македонија се уште има нормален народ кој заслужува нормален живот. Исто така назначувањето зборува многу за неа како личност, политичар, лидер, затоа честитки за неа и нека и е со среќа. Горди сме на Шеќеринска“.
- „Признание дека Македонија е на европскиот пат“.
- „Значењето е огромно. За тие кои го разбираат значењето“.
- „Признание за вистинскиот дел на државата, за вистинските луѓе и за нивните исправни политики“!
- „Честитки, нека и е со среќа и со лесно, наша гордост и брана против разнебитувањето на Македонија“.
- „Многу значи ама на најгласните Македонци не им се допаѓа затоа што не е од нивните редови“.
- „Именувањето на Шекеринска значи дека нормалниот дел од Македонија, оној кој ја смета европскоста за битен дел на својот идентитет, толку битен што без него не би постоела целината на македонското национално битие, е живо, не е здробен во мелницата на комитската простоќа и глупоќа, не е задушен во гасната комора за претворање на Македонците во трупови за затворање на хоризонтот. Верувам дека ќе има и одредено позитивно влијание врз делот кој е шашардисан од пропагандните печурки на вмро.Не така одамна главна парола беше дека “промената на ставот може да ги промени луѓето”.Мислам дека именувањето на Шекеринска може да има влијание врз промената на ставот кој некои луѓе односно кон промена на нив како луѓе во најпозитивна смисла.Но, остануваме далеку од промените кои би ги обележиле целата заедница и целата држава.Многу е важно што Шекеринска ги танкираше пумпите со кои ќе можеме да продолжиме да ја вадиме водата што не поплави во вморонското цунами“.
Имаше и мал дел анти-НАТО коментари.
- „Се брише Македонија и жива сила и треба на НАТО, а народот ќе плаќа војна по светот место за живеење и мир ние ќе помагаме за немири“!
Д. Муратов
