На самитот на Западен Балкан што се одржува во полскиот град Познањ германскиот министер за Европа Михаел Рот изјави дека Берлин го поддржува процесот за пристапување на сите шест земји од регионот во Европската Унија.
“Сите ние сме одговорни да обезбедиме тој процес и да заврши“, рече Рот кој побара брзо отворање на пристапните преговори со Северна Македонија и Албанија.
Денес на самитот покрај лидерите на земјите од Западен Балкан ќе учествуваат и германската канцеларка Ангела Меркел, британската премиерка Тереза Меј, францускиот премиер Едуард Филип и полскиот претседател Анджеј Дуда.
