Од раните утрински часови на 337-миот ден од руската брутална агресија, се слуша узбуна за воздушен напад во Кијив и низ цела Украина. Кијив беше погоден, како и низа други градови низ целата земја. Повторно, мета се цивилите, нивните домови и цивилната инфраструктура.
Додека се подготвува овој извештај, врз основа на јавувања од извори на ЦИВИЛ Медиа од Украина, траат нападите. Тие јавуваат за неколку погодоци во Кијив и тоа во Печерски и Голосијивски дистрикт. Во Голосијивскиот дистрикт тукушто загина едно лице, а две се ранети од руските воздушни напади. Тоа е веќе трет погодок од раните утрински часови, а во моментов се очекува четвртиот напад.
На социјалните мрежи се огласи и украинското МНР.
„Уште едно утро во Украина започна со воздушна узбуна низ целата земја. Трае повеќе од два часа. Експлозии се слушнаа во неколку региони“, пишува во објавата.
Another morning in #Ukraine has started with an air alarm all over the country. It has already been lasting for more than two hours. The explosions have been heard in some regions. #RussiaIsATerroriatState pic.twitter.com/Dc0w4f8xHU
— MFA of Ukraine ?? (@MFA_Ukraine) January 26, 2023
На видео снимката што ја пренесува Кијив инфо се гледа густ облак од чад по првата експлозија од нападот извршен со ирански дрон.
И украинската амбасадорка, Лариса Дир, информира за воздушните напади на социјалните мрежи.
„337 ден од почетокот на руската инвазија. Терористичката држава, руска федерација, членка на ОБСЕ, продолжи со нападите врз Украина со иранските камиказа дронови Шахед 136/131 и со ракетни напади. Нападите и експлозиите продолжуваат во Кијив и други градови на Украина сега!“ – напиша амбасадорката.
337th day since russia invaded. The terrorist state russian federation&member state of the #OSCE continued its attacks on Ukraine with the Iranian-made Shahed-136/131 kamikaze drones and missile attacks.
Attacks and explosions continue in Kyiv and other cities of Ukraine #NOW!— Larysa Dir (@dir_larysa) January 26, 2023
Дескот на ЦИВИЛ Медиа останува во контакт со изворите од теренот и ќе известува за развојот на настаните.
Деск на ЦИВИЛ Медиа
