Руските напаѓачи убија двајца цивили во регионот Доњецк изминатиот ден, напиша на својот канал Телеграм, шефот на регионалната воена управа на Доњецк, Павло Кириленко, пренесува Укринформ.
„На 21 август Русите убија двајца цивили во регионот на Доњецк: во Хеорхиивка и Костијантинивка“, напиша тој.
Во моментов, невозможно е да се утврди точниот број на жртви во Мариупол и Волноваха.
Руските сили во текот на ноќта гранатираа два града во регионот на Доњецк, при што беа оштетени приватни куќи и едно училиште, напиша на својот канал Телеграм, шефот на регионалната воена управа на Доњецк, Павло Кириленко.
„Уште едно училиште во регионот на Доњецк стана мета на Русите – овој пат Костијантињовска школа бр. 17. Русите удриле во училиштето околу четири часот наутро – зградата е сериозно оштетена, но никој не е повреден, напиша тој.
Според него, од почетокот на сеопфатната инвазија, руската армија веќе оштетила 594 образовни институции во регионот на Доњецк, вклучувајќи 263 училишта.
Торецк, исто така, вечерва се најде под ракетен напад, без регистрирани жртви, но оштетени се куќи.
„Ние внимателно ги документираме сите руски злосторства на нашата земја“, рече Кириленко.
Руските агресори извршија ракетен напад врз инфраструктурен објект во киевскиот кварт во Харкив околу 03:00 часот во понеделникот на 22 август, објави на Телеграм градоначалникот на Харкив, Ихор Терехов.
„Повторно ракетен напад и повторно на киевскиот кварт. Продолжувајќи со практиката на ноќно гранатирање, во 02:49 часот, нашиот непријател пукаше од правец на Белгород кон инфраструктурен објект“, напиша градоначалникот.
Според него, уништена е двокатна зграда, избувнал мал пожар, нема информации за жртви.
Подготви: Д.Мишев
