Соединетите Американски Држави ќе и дадат на Украина 15 милијарди американски долари обезбедени од идните приходи од замрзнатите руски средства, објави украинскиот премиер Денис Шмихал на Телеграм, пренесува Укринформ.
„Украинското Министерство за финансии и Светската банка го потпишаа соодветниот договор. Ова ќе биде финансирање во рамките на проектот PEACE во Украина и дел од американскиот придонес од 20 милијарди американски долари во рамките на иницијативата Г7. Тие ќе бидат насочени кон социјалните и хуманитарните трошоци. “ изјави Шмихал.
Тој изрази благодарност до САД и Светската банка за промовирањето на иницијативата, која ја тера Русија да плати за својата агресија врз Украина.
Украинскиот претседателот Володимир Зеленски најави дека на 30 декември Соединетите Држави ќе обелоденат детали за значителна воена помош за Украина.
Д. Мишев
