врокомесарката за проширување Марта Кос денеска во Скопје на прес-конференцијата на лидерскиот Самит на Европската Унија и Западен Балкан посветен на Планот за раст истакна дека лидерите прв пат се состанале да говорат за импламентацијата, оти се покажани првите резултати, како и дека 75 отсто од договорените реформи за сите земји се или имплементирани или тој процес е во тек. Таа потенцира дека Планот за раст е клучен дел од она што се нарекува забрзана интеграција, каде што Комисијата планира да го интегрира регионот во единствен пазар, како и во европските политики за одбрана, безбедност и подготвеност, пред земјите од него станат членки на ЕУ.
-Ако на минатиот Самит говоревме за плановите, сега дојдовме во фаза на имплементација, овој Самит првпат се однесуваше за имплементацијата. Ги покажуваме првите резултати, 75 проценти од договорените реформи за сите земји се или имплементирани или во тек е нивно имплементирање. Една четвртина сепак не е изготвена и затоа ги поканувам лидерите да ја забрзаат оваа имплементација. Ајде сега да зборувам за конкретните резултати, коишто може да се видат. Земете ги на пример овозможување на плаќањето на многу побрз и полесен начин. Едноставно кажано значи дека младите претприемачи, на пример во Скопје или пак во Тирана може да добиват исплати од цела ЕУ, исто како деловните субјекти во Мадрид или во Виена. Ова важи за земјите од Западен Балкан, рече Кос.
Таа додаде дека се договориле за 11 приоритетни точки и нагласи дека транформацијата е нешто што претставува овој процес вклучен со Планот за раст.
-Денеска се сретнавне по речиси една година за да зборуваме на состанокот на лидерите од Западен Балкан и да се договориме кои се чекорите за сроведување на развојниот план и како истиот ќе се импелементира и како ќе се забрза пристапот кон ЕУ. На состанокот дадов јасна порака да се искористи оваа можност. Геополитиката се промени и гледаме вистинска заложба за проширување во главните градови на ЕУ. Треба да се изгради силна Европа која што ја контролира сопствената иднина. И затоа ни треба сите Европејци да работат заедно, како и земјите од Западен Балкан. Планот за раст, носи опипливи социекономски поволности за граѓаните на Северна Македонија и Западен Балкан, уште пред самото приклучување кон ЕУ. Затоа ваша одговорност е да го примените за добробит на вашите граѓани и на вашите деловни ентитети. За ова ќе ви помогне ЕУ, рече Кос.
Еврокомесарката нагласи дека на состанокот се говорело и за подобрување на врските, при што таа упати честитки за договорот со Бугарија за Коридорот 8.
-Честитки, за договорот со Бугарија да работите на Коридорот 8. Овој Коридор е важен, не само за Северна Македонија и Бугарија, туку и за целиот регион. Важен е за ЕУ, а особено е важен поради тоа што ќе учествува во новата стратегија за Црното Море, кое што само што ја усовивме на ниво на ЕК. Значи ќе ја поврземе ЕУ со централно азиските земји и Северна Македонија тука игра главна улога, рече Кос.
Таа истакна дека се разговарало и за роамингот нагласи оти лидерите имаат волја да работат во насока на промена на законите, со цел да се спроведат повеќе реформи, при што ќе се овозможи бесплатен роаминг за западнобалканските земји од 1 јануари 2026 година.
-Сфатив дека сите сме многу сакаме да се натпреваруваме и сигурна сум дека Северна Македонија ќе покаже резултати. Ова е нешто многу важно, ќе покажете дека вашите луѓе ќе можат да комуницираат преку телефон, без дополнителни трошоци. Може многу да постигнеме заедно и заедно со мојот тим и заедно со европската делегација овде во Скопје. Посветени сме на поддршка на нашите партнери и клучно е лидерите да го водат политичкиот процесот и јавно да комуницираат за нашите успеси, рече Кос.
И на прес-конференцијата се осврна на трагедијата во Кочани, нагласувајќи дека државата се уште се опоравува од пожарот.
-Сакам да им упатам сочувство до семејствата и до блиските на жртвите и на повредените. Ваквите трагедии како Кочани не потсетуваат што е најважно во животот, а тоа е семејството, пријателите, заедницата ,односно луѓето коишто помагаат, односно тоа е солидарност на дело и солидарност од ЕУ кон нашите земји-кандидатки. Многу други Европејци беа покрај вас, ви помагаа во изминативе месеци. Мило ми е што се согласивме дека кога ќе дојдам на билатералните посети наскоро во Северна Макеоднија, заедно ќе ги посетиме повредените во Кочани, истакна Кос, пренесе МИА.
