Признавањето на Косово е работа на Србија, и да се врши притисок да го признае Косово е погрешен пат, наведува австрискиот вицеканцелар Хајнц-Кристијан Штрахе пред посетата на Белград.
„Мислам дека признавањето на Косово е единствено работа на Србија. Да се притиска државата поради тоа би бил погрешен пат. Австрија би требало како неутрална држава да има улога на посредник“, изјави Штрахе за Политика.
Тој потсетува дека неговата Слободарска партија остро го критикувала австриското признавање на Косово.
Австрискиот вицеканцелар вели дека се надева на можен компромис во рамки на Бриселскиот дијалог меѓу Белград и Приштина.
„Сакаме на Западен Балкан да унапредување помирување, демократија, стабилност. Најдобро средство за тоа е процес на пристапување во ЕУ“, нагласува Штрахе.
Според него, право на самоопределување на северот на Косово или автономија би било пожелно решение, пренесува Танјуг.
„Секако, потребни се долги и комплицирани преговори. Ми се чини дека по тоа прашање Приштина е многу неразумна“, изјави Штрахе.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
