МАРЈАН ЗАБРЧАНЕЦ
Укинувањето или кратењето на новогодишното украсување во македонските градови и општини е целосно неодговорен чекор од која и да е локална власт. Да се штеди на новогодишните сијалички, украси и елки значи да им се ускрати радоста и празничната топлина и убавина на сите деца и сите граѓани од нашите општини.
Тие што кратат на украсувањето на плоштадите и булеварите, на своите граѓани им носат мрак и темнина, наместо новогодишна светлина. Таквите потези ги прават граѓаните помалку среќни, а не се ниту популарни – не носат гласови. Тоа се потези направени од безидејност, од хир, од инат, од налудничавите идеи дека во мрак се владее подобро со народот.
Во име на радоста која ја носат празниците и дружбите меѓу луѓето, да се спротивставиме на овие декадентни “уживања” во мракот и темнините и да излеземе поголеми и понапредни од македонскиот синдром “Тешкото” за кој треба да се учи во историските читанки, а не да се практикува во денешницата.
Текстот е преземен од Фејсбук профилот на Марјан Забрчанец
