Сенатот на Полска во средата гласаше за резолуција со која руските власти се признаваат како терористички режим, пренесува Укринформ според Polskie Radio.
За резолуцијата гласаа sите присутни полски сенатори .
„Украина денес ги брани демократијата и слободата. Руските агресори ги тероризираат жителите на украинските градови со бомбардирање цивилни објекти: градинки, училишта, театри и станбени населби. Бандити во руски униформи мачат и убиваат воени затвореници и цивили на окупираните територии. Украинските деца се киднапирани. За да ги подигнат во јаничарскиот режим. Украинските граѓани се депортирани, преселени и испратени во оддалечените региони на Русија“, се вели во резолуцијата.
Во документот исто така се додава: „Сите овие акти на државен тероризам добро ги знаеме од страниците на историјата. Европејците веруваа дека никогаш нема да бидат загрозени од геноцид и воени злосторства. Во меѓувреме, Путин и неговиот апарат на насилство се вратија на бруталните практики на сталинистичкиот и нацистичкиот режим.Затоа е неопходно да се победи Русија и да се лиши од секоја можност да им се заканува на соседите“.
„Сенатот на Република Полска уште еднаш најостро ја осудува руската агресија и ги повикува сите земји кои се залагаат за мир, демократија и човекови права да ја признаат владата на Руската Федерација како терористички режим“, се вели во резолуцијата.
Дополнително, „Сенатот на Република Полска изразува благодарност до сите институции и организации кои се обврзаа да ги истражат и документираат злосторствата извршени врз украинското општество и ја повикува меѓународната заедница да обезбеди целосна поддршка на Меѓународниот кривичен суд, кој ги истражува овие злосторства“.
Во резолуцијата, Сенатот им се заблагодари на сите Полјаци, владата и локалните администрации, невладините организации и претприемачите за помошта што од 24 февруари им беше дадена на Украинците кои бегаа од руските бомби, главно жени и деца.
Парламентарното собрание на Советот на Европа на 13 октомври усвои резолуција со која Русија ја прогласува за терористички режим.
Подготви: Д. Мишев
