Унгарија ќе направи се за да се осигура дека Брисел и „провоените“ европски претставници нема да го спречат руско-американскиот договор за постигнување примирје во Украина, изјави шефот на унгарската дипломатија, Петер Сијарто.
Сијарто посочи дека Унгарија, денеска, на состанокот на министрите за надворешни работи на ЕУ во Брисел, нема да се согласи на нови испораки на оружје за Украина во вредност од неколку десетици милијарди евра, ниту на продолжување на санкциите против руски поединци.
-Три години им пркосевме на притисоците, три години не дозволувавме да не туркаат во нивната воена политика, сега ќе издржиме!“, порача Сијарто во објава на Фејсбук, пренесе РСЕ.
