Силно полициско присуство е забележано денеска на улиците на босанскиот град Мостар, по изрекувањето на пресудата против шест водачи на босанските Хрвати и по драматичното самоубиство на генералот Слободан Праљак во судницата на трибуналот во Хаг.
Мостар има мнозински хрватски и бошњачки дел, а пресудите беа изречени токму за воени злосторства извршени од страна на хрватските сили врз Бошњаците.
Повеќето од кафулињата во градот вечерва се затворени, јавуваат локалните медиуми, а во источниот, бошњачки дел на градот, се распоредени најголем дел од полициските засилувања.
Повеќе организации на хрватски ветерани од војната најавија собири во чест на генералот Праљак и другите пет осудени хрватски политички и воени водачи.
[divide]
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.