СОЦИЈАЛНО Социјалците без велигденска трпеза…

Лицата приматели на социјална парична помош нема да имаат пари да го прослават големиот христијански празник Велигден.

„Пари немавме ниту за Божиќ (на 6-7 јануари), бидејќи наводно се вршеше обнова на документи. Но, и на овој празник нашите трпези ќе бидат празни. Немаме пари да купиме ниту една табла јајца за да фарбаме како сите останати. Нашите деца ќе бидат лишени од радоста да се кршат со јајца со нивните врсници“, велат за ЦИВИЛ Медиа, социјалци кои побараа да останат анонимни.

ЦИВИЛ Медиа пред три дена испрати прашање до Министерството за труд и социјална политика, дали примателите на социјална помош ќе добијат пари до Велигден. До објавување на текстот не добивме никаков одговор.

Дехран Муратов