ЦивилМедиа вчера постави прашање на својата Фејзбук страница: Дали и зошто се потребни национални координатори?, давајќи им можност на граѓанките и граѓаните да се изјаснат на оваа тема.
Секоја Влада назначува национални координатори во повеќе области. Новата Влада како национални координатори ги назначи и Влатко Ѓорчев за национален координатор за демографија и млади, Павле Трајанов за национален координатор за спречување на насилен екстремизам и борба против тероризмот и Солза Грчева за национален координатор за реформи во високото образование.
Но, колку тие е се потребни и ефективни, покажаа коментарите и пораките на читателите на ЦивилМедиа, кои недвосмислено одговороија дека не само што не се потребни туку не се начисто и што тие коориднираат.
Најголемиот дел од коментарите се однесуваа на заклучокот дека е измислена функција, добар начин да се зема плата, ан ишто да не се работи или пак одлична позиција за ширење корупција.
Во продолжение дел од коментарите на нашите читатели:
„Кординатор е измислено работно место за партиски војници кои не ги бива за ништо друго а треба добро да се наградат. Тоа ти се џабелебари кои го крадат лепчето од устата на децата на работниците во фабриките и земјоделците“.
„Паралелни институции. Имаш Агенција за разузнавање и МВР ама Павле Сончоглед мора да се вдоми, имаш Министерство за труд и социјала и Министерство за спорт и млади ама Влатче Клатиглава мора да се вдоми, по *успехот” во приватен сектор, Министерство за образование има, ама Солза борецот против Бугарите, а чиј син е во Бугарија, мора да се вдоми. Кој на кого е шеф овде?“.
„Ма какви координатори. Тоа се луѓе земи плата, клати врата, само да бидат наградени, бидејќи беа најголеми плукачи на претходната влада. Сега ВМРО ги наградува, ги вдомува“.
„Прашањето не заслужува одговор. А и народот не заслужува вакви заебанции“.
„Потребни се за фамилијарни и партиски вработувања“
„За да се намали бројот на социјални ислучаи во ВМРО“.
Коментарите укажуваат дека граѓаните на националните координатори не гледаат како на функција со која нешто се придонесува, туку како нешто што наменски е измислено за да се „вдомат“ оние кои не успеале да добијат од големиот „колач“ при поделба на власта.
Б. Ј.
