Русија и Белорусија, покрај Северна Кореја, Туркменистан и Сирија, се најдоа во списокот од 13 држави чии власти ја финансираат трговијата со луѓе, се наведува во најновиот Извештај за трговија со луѓе во 2024 година.
Извештајот беше претставен синоќа од државниот секретар Ентони Блинкен.
-Дигиталните инструменти го засилија опфатот, големината и брзинта на трговијата со луѓе. (Трговците со луѓе) користат онлајн платформи за продажба на незаконски сексуални содржини. Тие користат шифрирани пораки и дигитални валути за да избегнат откривање, рече Блинкен.
Според оценките на Меѓународната организација на трудот, во 2021 година 27,6 милиони луѓе во светот биле подложни на принуден труд, или 2,7 милиони повеќе споредено со 2016 година. Од тие 27.6 милиони, 6,3 милиони луѓе биле под услови на принудна комерцијална сексуална експлоатација, а 3,9 милиони биле подложни на принуден труд наметнат од државата.
Блинкен истакна дека користењето на онлајн алатки придонело трговците со луѓе да го рашират својот опфат.
-Трговијата со луѓе е проблем кој ниту една земја не може да го реши сама, додаде Блинкен.
Извор: МИА
