Украинскиот јавен обвинител Андриј Костин се состана со генералниот директор за човекови права и владеење на правото на Советот на Европа, Христос Џакумопулос, на разговори околу меѓународниот механизам за изведување на раководството на Руската Федерација пред лицето на правдата за злосторството агресија врз Украина, објави Украинското државно обвинителство на Телеграм, јавува дописникот на Укринформ.
Во текот на состанокот, Костин изрази благодарност до Советот на Европа, и лично до Христос Џакумопулос, неговиот директорат и проектниот тим на Правниот систем за жалби за човекови права во Украина, за осевкупната поддршка.
„Имавме долгогодишно искуство и историја на соработка, но поддршката на Советот на Европа стана особено вредна со почетокот на руската агресија. Украинските обвинители имаат искуство во истрага на воени злосторства од 2014 година, но помошта на меѓународните експерти и надлежните обвинители е важна за победата на правдата“, нагласи Костин.
На тој состанок, страните разговараа за придонесот на Експертската советодавна група формирана од Советот на Европа веднаш по започнувањето на руската агресија и за понатамошната соработка, поточно во стратешките комуникации за спротивставување на руската пропаганда.
Генералниот обвинител на Украина ја истакна важноста од создавање на меѓународен механизам за изведба на политичкото и военото раководство на Руската Федерација пред лицето на правдата за злосторството за агресија врз Украина. Костин високо ја пофали поддршката на Парламентарното собрание на Советот на Европа (ПССЕ) за оваа иницијатива.
Според Костин, продолжувањето на институционалната реформа, со поддршка на Советот на Европа, останува важно за Јавното обвинителство.
Џакумопулос ја увери украинската страна дека неговиот тим останува посветен на заедничките цели и високо мотивиран за продолжување и продлабочување на соработката.
Страните се согласија дека е важно ефективно да се координира меѓународната помош.
Подготви: Д.Мишев
