Министерката за образование и наука, Мила Царовска денес учествуваше на онлајн состанок на работната група МОН-МЛАДИ, на кој беше усвоен деловникот за работа и беше избран претседавач.
„Студентите и младите се еден од клучните партнери на министерството во креирањето на успешни политики со кои ќе создадеме современо и квалитетно образование, но и ќе работиме на подобрување на ученичкиот и студентскиот стандард. Затоа сите законски решенија, политики и мерки ќе поминуваат низ оваа работна група од која очекувам посветеност, иницијатива и идеи со кои ќе ги менуваме работите на подобро“, истакна Царовска.
Во работната група МОН -МЛАДИ учествуваат претставници на младинските организации, Универзитетско студентско собрание и Сојузот на средношколци.
