ЦИВИЛ ги интензивира своите активности за спроведување независен и сеопфатен мониторинг на референдумскиот процес. Организацијата ги повикува сите членови и поддржувачи, како и сите заинтересирани полнолетни граѓанки и граѓани на Република Македонија, да аплицираат за краткорочни или долгорочни набљудувачи.
Сите заинтересирани се повикани да аплицираат најдоцна до среда, 12 септември, до 20 часот. Кандидат(к)ите што веќе се селектирани, ќе добијат одговор до недела, 9 септември, 20 часот, а останатите ќе бидат информирани до петок, 14 септември, најдоцна до 20 часот.
За ангажманот на набљудувачите, ЦИВИЛ оваа година успеа да обезбеди хонорари, кои се движат од 1.400 до околу 4.000 денари за краткорочните набљудувачи, додека долгорочните набљудувачи ќе бидат добијат хонорари од 12.000 до 20.000 денари, зависно од позициите и интензитетот на работните обврски.
Воедно, граѓанските новинарки и новинари имаат шанса да бидат наградени со еден од десетте вредносни ваучери со вредност од 1.550 до 5.700 денари.
Аплицирањето може да се направи по пат електронски пат, на онлајн формуларот ТУКА или по мејл: [email protected] со испраќање кратка биографија (до една страница) во која ќе се наведат контакти и број на лична карта (не матичен, туку број на лична карта). Задолжителна е назнаката: ЦИВИЛ – мониторинг. Кандидат(к)ите можат да аплицираат на било кој јазик што се говори во Република Македонија.
За сите кандидат(к)и е важно да знаат дека мониторингот на ЦИВИЛ подразбира мобилност и посветеност. Секој набљудувач ќе има обврска да опфати најмалку пет избирачки места во текот на референдумскиот ден.
Долгорочните набљудувачи ќе добијат насоки за работа да започнат со својата работа веќе на 10 септември, завршно со 5 октомври, додека краткорочните набљудувачи ќе бидат задолжени да бидат активни во текот на 48-часовниот молк, на денот на референдумот и денот потоа. Во меѓувреме, набљудувачите што се веќе на теренот, ќе ги интензивираат своите активности.
Предност имаат кандидат(к)ите што пополниле Изјава за поддршка на ЦИВИЛ, односно се согласни со Кодексот на ЦИВИЛ и други програмски определби на организацијата.
Воедно, набљудувачите ќе бидат обврзани да го потпишат и Кодексот на набљудувачите на ЦИВИЛ и да посетат еднодневни обуки што ќе бидат организирани во текот на втората и третата недела на септември.
Кандидатите што нема да бидат селектирани за долгорочно набљудување, ќе имаат можност да бидат во мрежата на краткорочни набљудувачи.
ПРИЈАВА ЗА УЧЕСТВО ВО МОНИТОРИНГОТ НА ЦИВИЛ
