Антон Герашченко, советник на министерот за внатрешни работи на Украина, тврди дека Русија подготвува втора мобилизација во јануари следната година, планирајќи регрутација околу 700.000 резервисти. За потсетување, Москва во септември и октомври регрутираше околу 300.000 војници за војната во Украина, поради што стотици илјади Руси ја напуштија земјата за да избегнат мобилизација.
Украинскиот функционер на Твитер тврди дека тие 300.000 мобилизирани се веќе „убиени, ранети или деморализирани“.
Russia is getting ready for 2nd wave of mobilization in January. The plan is to draft 500,000-700,000. The 300,000 drafted before – already killed/wounded/demoralized.
Russians are starting to be quietly unhappy about authorities – they can’t understand losses in praised army.
— Anton Gerashchenko (@Gerashchenko_en) November 22, 2022
Русија се подготвува за нов бран на мобилизација во јануари. Планот е да регрутира од 500.000 до 700.000 луѓе. Оние 300.000 мобилизирани претходно веќе се убиени, ранети или деморализирани, објави Герашченко.
Портпаролот на рускиот претседател Владимир Путин, Дмитриј Песков, вчера изјави за новинарите дека Кремљ не размислува за нова мобилизација за војната во Украина.
