Четири беспилотни летала биле пресретнати преку ноќ додека се приближувале кон Москва, само неколку дена пред годишната парада на Денот на победата во Русија и предложеното привремено прекинување на огнот, соопштија градоначалникот на Москва, Сергеј Собјанин, и руското Министерство за одбрана на 5 мај.
Украинската влада не коментираше за пријавениот напад. Кијив Индепендент не можеше да ги потврди руските тврдења.
Собјанин рече дека беспилотните летала биле соборени во близина на градот Подолск, јужно од главниот град, и нема пријавено жртви или штети. Нападите, кои се случија рано на 5 мај, наводно ги нарушиле операциите на аеродромите во Москва. Видеата споделени на руските социјални медиуми се чини дека го снимаат звукот на системите за воздушна одбрана во областа.
Руското Министерство за одбрана ја презеде одговорноста за соборувањето на четири беспилотни летала над московскиот регион. Исто така, објави дека пресретнале 17 беспилотни летала над Брјанската област и уште пет над Калушката област.
Нападот се случува пред прославите на Денот на победата во Русија на 9 мај, кои ја одбележуваат улогата на Советскиот Сојуз во победата над нацистичка Германија во Втората светска војна.
Drone attacks on Moscow.
Moscow Mayor Sobyanin reported that four drones were shot down over Podolsk. Russia activated the “Carpet” (Kover) emergency air defence plan at both Vnukovo and Domodedovo airports.
So… is this a rehearsal for Victory Day? pic.twitter.com/wd09OvXD7m
— Maria Drutska 🇺🇦 (@maria_drutska) May 5, 2025
Украинскиот претседател Володимир Зеленски на 3 мај предупреди дека Русија би можела да организира провокации, како што се „палења, експлозии или други дејствија“, околу настанот и да се обиде да ја обвини Украина. Тој исто така изјави дека Украина не може да ја гарантира безбедноста на високите странски гости кои ќе присуствуваат на парадата на Путин.
Како коинциденција, по објавата на Зеленски, речиси истовремено се разболеа двајца поддржувачи на Путин, словачкиот премиер Роберт Фицо и српскиот претседатл Александар Вучиќ, со што го доведоа во прашање своето најавено учество на парадата, додека
Се очекува Денот на победата, еден од најсимболичните празници во Русија, да вклучува воена парада на Црвениот плоштад во Москва. Кремљ покани странски гости да присуствуваат, иако многу западни претставници одбија.
Украина, заедно со повеќето европски земји, го одбележува Денот на победата во Европа на 8 мај и покани високи претставници на ЕУ во Кијив тој ден во симболична контра на московскиот приказ.
Нападот со беспилотни летала, исто така, следува по руското објавување за еднострано „хуманитарно примирје“ од 8 до 11 мај. Зеленски го отфрли потегот како „театарска претстава“, обвинувајќи ја Русија дека користи кратки прекини на огнот за да манипулира со меѓународната перцепција, додека продолжува со нападите пред и потоа.
Прекинот на огнот на Денот на победата е најновата во низата иницијативи за примирје објавени од Москва, откако сите претходни Русија ги прекрши.
Порано овој месец, Русија прогласи прекин на огнот за време на велигденските празници, иако Зеленски ја обвини Москва за речиси 3.000 прекршувања помеѓу 19 април и 21 април.
Украина, исто така, соопшти дека руските сили постојано го прекршувале делумното примирје во нападите врз енергетските објекти, склучено на 25 март.
Русија постојано ја прогласуваше својата наводна подготвеност за мировни преговори, а истовремено се залагаше за максималистички барања. Кијив ги отфрли овие декларации како пропаганден трик, истакнувајќи дека руските сили само ги интензивирале своите напади врз украинските градови и места.
Д. Мишев
