Претседателката на Европската Комисија, Урсула фон дер Лајен на денешната заедничка прес конференција со премиерот на Бугарија, Кирил Петков, отворено порача дека треба да се крене рампата за Македонија и Албанија и да започнат преговорите за членство во ЕУ.
„Сакам сите да ги потсетам дека Европскиот совет во 2020 година донесе крупна одлука да се направи чекор напред и да каже сега е време и ние се обврзуваме, да започнат преговори за почеток на членство со Северна Македонија и Албанија. Тоа е заклучок на Европскиот Совет, обврзувачки. Сега е важно заедно тоа да го испорачаме.“ рече Урсула фон дер Лајен на денешната прес конференција со премиерот Кирил Петков.
