Фондацијата Метаморфозис заедно со ISC Project овој месец организираат два вебинари кои опфаќаат теми за кои сметаме дека се од исклучително значење на невладините организации кои имаат медиумски проекти како и на самите медиуми, а се од доменот на дигитална безбедност.
Сите заинтересирани можат да се пријават на следниот линк*: https://forms.gle/Es9GAjrcPQJFH5rC9
Првиот вебинар се однесува на Заштита на приватноста и медиумите и ќе се одржи во четврток, 6 август со почеток во 13:30 часот.
Во него ќе биде опфатен стандардот GDPR (General Data Protection Regulation) и новиот Закон за заштита на личните податоци. обврските и можните казни кои произлегуваат од него а се посебно важни за медиумите но и за граѓаните. Вебинарот ќе се осврне и на прашањето за воспоставување на баланс помеѓу приватниот и јавниот интерес како клучен механизам за почитување на приватноста на лицата за кои се известува во медиумите.
Вториот вебинар е наменет за Управување со cybersecurity инциденти – Бидејќи инцидентите не се решаваат сами! и ќе се одржи во среда на 12 август во 13:30 часот. Работилницата ќе има интерактивен формат – слушателите се учесници во инцидентот и ќе треба да се справат со настанот!