Во Нови Сад започнува судењето против членовите на Движењето на слободни граѓани под обвинение за уривање на уставниот поредок

Во Вишиот суд во Нови Сад, денес треба да започне судењето на членовите на Движењето на слободни граѓани и групата Став, обвинети за обид за уривање на уставниот поредок.

Во обвинението се опфатени 12 лица, а тие се товарат за кривично дело подготовка на дело против уставниот поредок и безбедноста на Србија во ко-извршување во врска со кривичното дело напад врз уставниот поредок и кривичното дело повикување на насилна промена на уставниот поредок

Донесена е конечна одлука обвинетите во бегство (шестмина од нив) да се судат во отсуство. Во предлогот за обвинение, Обвинителството му предложи на судот по судењето обвинетите да бидат прогласени за виновни и да бидат осудени на максималните казни пропишани со закон за кривичното дело за кое се товарат.

Тие беа уапсени на 14 март, откако медиумите објавија аудио снимка на која се слушаат луѓе идентификувани како членови на ПСЖ како планираат да влезат во зградата на РТС за време на протестот на студентската блокада на 15 март во Белград.

Д. Т.