Започнува церемонијата во Берлин каде ќе му биде додадена награда за човекови права за 2020 година од страна на Фондацијата „Фридрих Еберт“ (ФЕС) на премиерот Зоран Заев, која ќе ја отвори министерот за надворешни работи на СР Германија – Михаел Рот.
Во своето соопштение, Фондацијата Фридрих Еберт, истакнува дека со наградата му се оддава признание на Заев за личната посветеност кон Договорот од Преспа и за неговите проевропски заложби за слободно и отворено општество.
„Со доделување на наградата, Фондацијата „Фридрих Еберт“му оддава признание на Зоран Заев за неговата мировна политика и склучувањето на Договорот за добрососедство со Бугарија во 2017 година и Преспанскиот договор со Грција во 2018 година. Преспанскиот договор подразбираше промена на името на земјата со што се реши 27-годишниот спор за името и ѝовозможи на земјата членство во НАТО и отворање на преговорите за пристап кон Европската Унија“, стои во соопштението.
Според ФЕС, двата договори се централните обележја за подобрување на животните услови во земјата. Со неговата подготвеност да донесе разумни, но во голема мера непопуларни одлуки, Зоран Заев покажа дека тие одлуки се поважни од неговата политичка судбина.
Курт Бек, претседателот на Фондацијата „Фридрих Еберт“, особено ја нагласува заложбата на Заев за Европа, со зборовите:
„Зоран Заев се залага за слободно, отворено и социјално општество. Неговата решителна реформска политика не само што придонесеза мирот и стабилноста, туку ија доближи Северна Македонија со големи чекори кон Европската Унија.“
ФЕС не штедеше пофални зборови и признанија за Заев во своето соопштение со кое го најави добитникот на ова престижно меѓународно признание.
„Заев одигра клучна улогауште како опозициски лидер. За време на „Шарената револуција“ се залагаше за владеење на правото и мирно издејствува нови избори. Подоцна, како премиер постави нови стандарди, особено во делот на социјалната политика. Тој ја зголеми минималната плата за 60%, ги зголеми социјалните придобивки и ги подобри платите на медицинскиот персонал и докторите. После многу години авторитарен регрес во регионот, Зоран Заев лично претставува промена на насоката што им дава надеж на прогресивните сили во регионот“, стои во соопштението на ФЕС од 17 јуни 2020 година.
Шефот на германската дипломатија, Хајко Мас, при доделување на наградата за човекови права за 2020 на премиерот Зоран Заев во Берлин, меѓу другото, истакна дека тој ѝ влеа надеж на цела една генерација на која ѝ беше доста од национализам.
„Драг Зоран, ти си влевател на надеж на една цела генерација на која им беше доста од национализам и со политика која беше конфронтирачка и насочена кон минатото отколку кон иднината. Ти стана предводник на едно национално единство и врската со Европа. Ти ја зајакна правната држава и се бореше за независно судство, корупција, донесе достоинство… И тоа беше првиот чекор на патот до Европа. Ти си влевател на надеж во многу нерешени конфликти на овој свет. Чест ми е да ја врачам наградата на еден реформатор, далекуглед политичар и, пред сè, Европеец“.
Наградата за човекови права на Фондацијата „Фридрих Еберт“ беше доделена за првпат во 1994 година, основана од наследството на брачниот пар од Хамбург, Карл и Ида Фајст.
По покана од домаќините, Џабир Дерала од ЦИВИЛ, подготви видео за борбата на активистите и на Зоран Заев за создавање на општество ослободено од стегите на еден режим и за борбата за човекови права и европска иднина на земјата. Тој покани истакнати претставници во граѓанското општество и учесници во настаните што донесоа промена, Ирена Стеријовска, Зоран Иванов и Петрит Сарачини. На церемонијата, Дерала ги воведе и високите претставнички и претставници на ЕУ и Германија, како и поранешниот грчки премиер, Алексис Ципрас.
„Се чувстувам благородно и благодарно, но истовремено и скромно примајќи ја денешната престижна награда на Фондацијата Фридрих Еберт. Фондација која има стогодишно искуство, посебно на полето на промовирање на слообдата, едноаквоста и солидарноста. Ова се демократски вредности кои градеа и продолжуваат да градат цивилизациски придобивки, сок рајна цел, планетарна добробит, одржливост, безбедност, транспарентност и бескомпромисна борба против на секој еден никулец на авторитаризам. Тоа поттикнување на искажување на слободната волја и градење на едно општество за сите без разлика дали зборуваме локално или глобално. Оваа награда, која е создадена на иницијатива на високо почитуваните Карл и Ида Фејст и која е инспирирана од нивната дологогодишна борба и поддршка за правата на работниците и нивното движење е комплементарна со мојата лична филозофија живот за сите, еднаквост за сите, дијалог пред сè, конфликт никогаш“, изјави Заев по добивање на наградата.
За време на посетата на Германија, покрај примањето на престижната награда, премиерот Заев, придружуван од министерот за надворешни работи Бујар Османи, имаше и работни средби со министерот Рот, со ко-претседателот на Социјал-демократската партија на Германија Норберт Валтер – Борјанс и со пратенците Нилс Шмид од СПД и Јурген Харт од ЦДУ/ЦСУ.
Подготвија: Б. Јордановска, Ф. Петровски