Вршителот на должноста претседател на Мјанмар, кој дојде на власт по пучот во 2021 година, Мјин Све, почина, соопштија воените лидери на оваа југоисточна азиска земја, пренесува Би-би-си.
Пред неговата смрт, Мјин Све (74) беше на лечење повеќе од една година поради влошување на здравјето.
Лидерот на хунтата, Мин Аунг Хлаинг, ги извршуваше главно церемонијалните должности на Мјин Све од јули 2024 година.
Хунтата на земјата го именуваше Мјин Све за вршител на должноста претседател откако ја собори цивилната влада предводена од Аунг Сан Су Ќи.
Тој почина во болница во главниот град Нај Пји Тау во четврток во 08:28 часот по локално време (02:58 GMT) поради „невродегенеративни болести и сродни невролошки нарушувања“, соопшти хунтата.
Закажан е државен погреб за Мјин Све, соопшти хунтата.
Како вршител на должноста претседател, тој одобри повеќекратни продолжувања на вонредната состојба во земјата.
Во среда, државниот весник „Глобал њу лајт оф Мјанмар“ објави соопштение на хунтата во кое се најавува дека Мјинт Све е во „критична состојба“, откако „доживеал губење на тежина, губење на апетит, треска и пад на когнитивната функција“ во јули.
На почетокот на 2023 година, Мјинт Све „почнал да доживува тромост во движењето и способноста за консумирање храна и хранливи материи“, се вели во соопштението.
Се додава дека тој примил третман во Сингапур во април 2024 година и заминал на медицински одмор во јули 2024 година.
Превирањата во продолжуваат од пучот во 2021 година, со граѓанска војна што продолжува меѓу силите на хунтата и етничките вооружени групи.
Д. Мишев
