Претседателот на Србија, Александар Вучиќ денеска ќе ги започне консултациите за кандидатот за нов премиер на Србија, јавуваат српските медиуми.
Прва консултација во Палатата Србија во Белград е со изборниот список „Руска партија – Слободан Николиќ“, а потоа списокот на Сојузот на војводинските Унгарци (СВМ).
Во 10 часот на консултации ќе дојде списокот „Усаме Зукорлиќ – Обединети за правда – Партија за правда и помирување – Бошњаци од Санџак, Томислав Жигманов – Демократски сојуз на Хрватите во Војводина“, а во 12 ч. пратеничката група „Ние – гласот на народот“.
Мнозинството пратенички групи на опозицијата претходно најавија дека нема да одговорат на повикот на претседателот за консултации за новата влада.
Рокот за формирање нова влада е 18 април, а доколку дотогаш не се формира, ќе се одржат вонредни парламентарни избори.
Д. Т.
