• Latest

За три години четирикратно се зголеми насилството меѓу младите

March 13, 2024
Фото: ЦУК

Изгаснат пожарот покрај автопатот Скопје-Тетово 

August 29, 2025
Фото: Скриншот од видео на British Embassy Kyiv/ X

Велика Британија ѝ порача на Русија да престане со „бесмисленото убивање“ откако беше погодена зградата на Британскиот совет во нападите врз Киjив, кои однесоа најмалку 21 жртва

August 28, 2025

Утрото на 28 август

August 28, 2025
Фото: АСтра/Х

Украинските дронови погодија две рафинерии за нафта и други цели низ Русија во текот на ноќта, соопшти Генералштабот на вооружените сили

August 28, 2025

Фон дер Лајен го најави 19-от пакет санкции против Русија по синоќешниот ракетен напад врз Кијив

August 28, 2025
Фото: Скриншот од видео на АВС7

Егзодус на неподобните здравствените експерти за Трамп: Отпуштена директорката на ЦДЦ, додека други функционери поднесоа оставки од здравствената агенција

August 28, 2025
Фото: Скриншот од видео на ВВС

Ким Џонг Ун и Путин на врвот на листата на Си за воената парада во Кина, меѓу гостите се и Вучиќ и Фицо

August 28, 2025
Вештачка интелигенција (фото извор: Wikimedia Commons)

МОН објави обука за наставници за примена на вештачката интелигенција во наставата

August 28, 2025
Фото: Архива

Унгарија ја тужи ЕУ за замрзнатите руски средства што ги користи за помош на Украина

August 28, 2025
Фото: Украинската амбасадорка Лариса Дир/Х

Амбасадорката Дир: Цела ноќ масовен напад на рф врз станбени згради во Кијив, меѓу загинатите има деца

August 28, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ОПШТЕСТВО

За три години четирикратно се зголеми насилството меѓу младите

March 13, 2024 07:30
in БЕЗБЕДНОСТ И ОДБРАНА, ВЕСТИ, ОБРАЗОВАНИЕ, ОПШТЕСТВО, ТОП 5
Share on FacebookShare on Twitter

Децата се почесто во џебовите и училишните ранци носат ножеви, боксирачи, или некои други остри и тврди предмети. За само месец, имаме едно убиство на малолетник, два обиди за убиство на малолетници, пукање со пиштол, неколку тепачки кои беа јавно прикажувани на социјалните мрежи.

  • На 29 февруари се случи свирепо убиство во строгиот центар на Прилеп, каде што малолетник уби 14-годишно момче од прилепското село Сенокос.
  • На 17 февруари малолетник од Скопје бил повреден од друг малолетник пред основно училиште на подрачјето на Гази Баба.
  • На 6 март малолетник од скопското село Буковиќ бил повреден со остар предмет од страна на друг малолетник од с. Бојане, во близина на Трговскиот центар „Мавровка“ во Скопје.
  • На 4 март е приведен малолетник од село Патишка река, општина Сопиште, кој во парк на подрачје на Чаир испукал неколку проектили од пиштол, од кои два завршиле во станот на С.Е. од Скопје.

Владимир Караев, претседател на здружението на граѓани РУБИКОН, во интервју за ЦИВИЛ Медиа вели дека имаме дисфункционален систем, и дека кај нас затајува детекцијата, односно навременото забележување на несоодветно однесување на детето, со тоа и навременото справување. Тој додава дека децата го гледаат тоа што го прават возрасните.

„Да вклучат било кој канал особено во предизборна кампања може да видат луѓе со титули м-р или д-р кои употребуваат насилна комуникација. Тие може да го вклучат собранискиот канал каде што можат да видат авторитети кои користат насилна комуникација, а тие се нивни модели. Јас не го вперувам прстот во децата бидејќи тие имаат одговорност во зависност од нивната возраст, меѓутоа дефинитивно имаат недостаток на позитивни модели со кои би се идентификувале на поинаков начин, вели Караев.

За три години четирикратно се зголеми насилството меѓу младите

Од Министерството за внатрешни работи за ЦИВИЛ Медиа испратија статистика за насилничкото однесување на младите во последните три години. Според статистиката на МВР може да се заклучи дека за три години четирикратно се зголеми насилството меѓу младите, односно во 2021 година има 27 регистрирани случаи, додека во 2023 година регистрирани се 102 настани на насилничко однесување помеѓу ученици.

Во 2021 година регистрирани се 27 настани на насилничко однесување, помеѓу ученици, притоа не се регистрирани потешки инциденти. Според подрачјето, најголем број настани се регистрирани на подрачје на СВР Тетово – 11. Најмногу насилства се извршени во основни училишта – 15, а 12 во средните училишта. Во однос на временскиот период, нападите најчесто се извршени за време на големиот одмор, во училишниот хол или во дворот, додека според видот, речиси во сите случаи се работи за физички напади помеѓу поединци. Од страна на Министерството, преземени се мерки против нарушителите, за што против едно лице поднесена е кривична пријава за сторено кривично дело „тешка телесна повреда“, поднесени се и 14 барања за поведување прекршочна постапка против 26 лица за сторени 14 прекршоци и тоа најмногу за „занемарена грижа на дете“- седум, „физички напад“ – пет прекршоци и „учество во тепачка“ – два прекршоци, а поднесени се и три известувања до ОЈО.

Во 2022 година, регистрирани се 75 настани на насилничко однесување. Подрачја со најголем број на регистрирани настани се Секторите за внатрешни работи Скопје – 26 и Тетово-24. Оваа година најмногу насилства се извршени во основни училишта – 43, а 32 нарушувања се во средни училишта. Нападите најчесто се вршат во училишните дворови или во училниците. Според видот, речиси во сите случаи се работи за физички напади извршени поединечно, кај дел од нападите мотив се претходните расправии меѓу учениците. Против нарушителите, преземени се мерки при што три лица се кривично пријавени за сторени кривични дела „насилство“, а против 68 лица поднесени се 39 барања за поведување прекршочна постапка за сторени прекршоци од ЗППЈРМ, од нив најмногу се за сторен прекршок „физички напад“.

Во 2023 година регистрирани се 102 настани на насилничко однесување помеѓу ученици, од кои најголем број се регистрирани на подрачје на Скопје – 40. Министерството презеде соодветни мерки против нарушителите, при што поднесени се десет кривични пријави за кривични дела „насилство“, „насилство врз дете“, „малтретирање во вршење служба“, „тешка телесна повреда“ и „загрозување со опасно орудие при тепачка или караница“, а поднесени се и пет известувања до Основното јавно обвинителство. Покрај тоа, против 102 лица поднесени се 60 барања за поведување прекршочна постапка за сторени прекршоци од ЗППЈРМ, во најголем дел за „физички напад“ и „учество во тепачка“ и против родителите за занемарена грижа во врска со истите прекршоци, велат од МВР за ЦИВИЛ Медиа.

Првата детска амбасада во светот Меѓаши, во рамки на проектот „Промоција на безбедна училишна средина“ започнува тригодишната кампања „Следна станица“, која има за цел да го поттикне практикувањето на позитивните вредности кај младите и со тоа да ја превенира појавата на насилство во училиштата.

Делфина Саздовска од Меѓаши вели дека главната цел на оваа кампања е промената која може да се постигне со само една одлука која носи кон позитивно однесување на учениците во насилството.

„Кампањата не се однесува само на содржината, станува збор за поврзување со децата, децата кои се жртви, децата кои се насилници, па и оние кои се пасивни учесници. Веруваме дека секој ученик има право да учи и да расте во средина без малтретирање, злоупотреба и дискриминација. Со поттикнување на чувството за заедница, емпатија и разбирање, имаме за цел да создадеме позитивен ефект што ја надминува дигиталната област и продира во училишната клупа“, посочи Саздовска.

Слоганот на кампањата „Следна станица“ носи силна порака дека треба да се премине од моментната состојба кон нешто ново, односно кон нова средина во која сите ученици ќе бидат среќни, ќе другаруваат и ќе се чувствуваат безбедни.

Од Хелсиншки комитет за ЦИВИЛ Медиа велат дека етничката основа речиси секоја година го зазема најголемиот дел од основите за извршените злосторства од омраза. Младите лица сѐ уште најчесто се вклучени во пристрасно мотивирани инциденти, и како сторители и како жртви.

Од Хелсиншки додаваат дека во оваа тековна година спроведуваат проект ,,Креирање на побезбедна дигитална средина за младите” кој има за цел да ја подигне свесноста за безбедноста на младите во дигиталниот простор како и да ги унапреди знаењата на средношколците за теми поврзани со дигитални права, како заштита на личните податоци, сајбер насилството и малтретирањето и дигитално родово базирано насилство. За таа цел Хелсиншки комитет ќе организира летни школи во текот на летниот распуст со истакнати експерти во областите.

Дехран Муратов

Print Friendly, PDF & Email
Share33Tweet21Send

НАЈЧИТАНИ 5

  • СРПСКИ (БУРАЗЕРСКИ) СВЕТ: Ќе добие ли ВМРО-ДПМНЕ своја банка?

    121 shares
    Share 48 Tweet 30
  • Разрешени и избрани нови членови на општински изборни комисии за Локалните избори 2025

    98 shares
    Share 39 Tweet 25
  • МВР го уапси родителот кој го предизвика инцидентот во Штип, ФФМ, Шкупи и Брегалница го осудија – спортот не треба да биде арена за физички конфронтации

    92 shares
    Share 37 Tweet 23
  • Јагода и вестите

    90 shares
    Share 36 Tweet 23
  • „Сé се тоа глупости“ – Трамп одговори на нападите на Русија врз легитимитетот на Зеленски, се закани со „економска војна“ со Москва

    89 shares
    Share 36 Tweet 22
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ