Претседателот на СДСМ, Зоран Заев денеска во 11 часот го достави до Собранието на Република Северна Македонија предлог составот на новата Влада и програмата за нејзината работа.
„Денес во Собранието доставив предлог Програма за работа и предлог состав на новата влада на Република Северна Македонија. На изборите граѓаните го потврдија правецот и ставот кој денес го преточуваме во конкретни кадри и програма. Македонските граѓани ќе добијат одговорна влада која ќе гарантира континуитет во остварување на стратешките приорити, членството во НАТО, преговорите со ЕУ, добрососетски односи… Денеска, како мандатор доставив до Собранието предлог за влада која е подготвена да сработи во полн 4 годишен мандат. Со мене се 19 инистри и министерки со кои се обврзуваме дека ќе работиме уште повеќе и уште подобро.
https://www.facebook.com/SDSMakedonija/videos/317590736248108/
Програмата за работа ја отсликува посветеноста на сите политички партии од коалицијата за бескромисна борба против корупцијата, прочистување на правосудството и проверка на потекло на имот на сите функционери. Сите сме согласни посветено да работи на реализација на договорите со Грција и Бугарија, како и на Рамковниот договор, кој е темел на заедничкото живеење во мир.
Имајќи го предвид периодот со Ковид-19, новата влада ќе се посвети со инвестиции во јавното здравство. Како еден од столбовите е и борбата против загадувањето и решавање на проблемите со суштински политики и инклузивен процес. Тука најмногу сте потребни вие граѓаните. Ова се принципите и вредностите од кои ќе се води новата влада.
Предлагам одговорни професионални и отчени кадри со конкретна мисија и цели и кои ќе имаат задача да работат исклучиво за граѓаните и европската трансформација на нашата земја. Очекувам претседателот на Собранието, Талат Џафери да даде доволно време за пратениците да се запознаат со програмата и биографијата на предложените кандидати, рече Заев.
