„Европа го препознава нашиот заеднички интузијазам, со кој на Балканот му дадовме навистина нов лик. Затоа земјите носители на Берлинскиот процес одлучија дека наредната година Бугарија, заедно со Северна Македонија, ќе бидат копретседавачи на процесот и кодомаќини на Самитот во јули 2020 година. Тоа е доказ за градењето на градењето на добрососедските односи и зрелост на повисоко ниво на соработка. Догодина, јас и мојот пријател и колега премиерот Борисов заеднички ќе ги пречекаме сите премиери од Берлинскиот процес, да разговараме за новите европски идеи, за иднината во Скопје и во Софија“, изјави премиерот Заев на заедничката прес-конференција со премиерот на Бугарија, Бојко Борисов, кој престојува во земјава по повод одбележувањето на двегодишнината од Договорот од Договорот за добрососедство, пријателство.
Премиерот Заев додаде дека двете земји имаат одлична соработка и дека навистина се радува на општествените иницијативи за решавањето на споровите на Балканот.
„Поттикнати од минатото и предизвикани од иднината, Северна Македонија и Бугарија, секој ден им покажуваме и на Балканот, Европа и светот, дека нашите предизвици можеме да ги решаваме преку разговори, почитување и трпеливост, без посредници. Постигнавме согласност и веќе заеднички чествуваме личности и настани од заедничката историја на нашите земји и народи“, рече Заев.
Заев, во однос на истористите прашања, двете држави досега решиле четири историски личности кои заедно се чествуваат и дека верува дека ќе се најде решение за Гоце Делчев.
„Гоце Делчев е личност и херој кој ги поврзува двата народи, затоа и во Северна Македонија и Бугарија продолжуваме да му оддаваме почит на големиот на големиот Делчев, преку јазикот на заемното разбирање, заеднички со нашите блиски пријатели, кои споделуваат слични чувства, вредности и цели“, додаде Заев.
Премиерот на Бугарија, Бојко Борисов, изјави дека во овие две години се извршиле добри работи кои претходно биле незамисливи, со заедничките напори и дека со пријателството на државите се овозможила огромна перспектива за Северна Македонија, кон патот за Европа.
„Се надевам дека историчарите нема да попречуваат и ќе вложат огромни напори за да го најдат правилното изразување на историјата што ќе не обединува, како што рече премиерот Заев, заедно да можеме да се поклониме на нив“, рече Борисов.
Борисов додаде дека од интерес на Бугарија е Македонија да влезе во НАТО и дека ќе ја имаме комплетната поддршка.
„И од наш интерес е Македонија да биде во НАТО. Се склопуваат пријателства и треба да имаме просперитет и високи придобивки. Србите се братски народ, а исто така и за Грција. Зошто да рушиме споменици? Во Бугарија има повеќе од 4500 споменици. Овие споменици треба да бидат тука. Ние треба да градиме заедно железнички, а комисиите треба да разберат дека имаат историска задача и да ја остават историјата, за до октомври да се завршат овие теми“, додаде Борисов.
Борисов се извини што неодамна граѓаните на Северна Македонија ги нарече „северномакедонци“.
„Извинете што кажав северномакедонци, тоа беше моја грешка. Граѓаните на Република Северна Македонија, простете, но несакајќи го кажав тоа“, изјави Борисов.
Премиерите Заев и Борисов по заедничката прес-конференција, заминаа во црквата „Св. Спас“ каде ќе се поклонат и ќе положат цвеќе на гробот на Гоце Делчев.
Бугарскиот премиер во Скопје ќе има средба и со претседателот Стево Пендаровски.
Предвидено е Борисов и Заев потоа да заминат за Дојран каде што ќе положат цвеќе на споменикот на полковник Константин Каварналиев.
А. П.