„Бугарија е свесна за реалноста заради тоа што Република Северна Македонија, македонскиот народ и македонскиот јазик се непобитен факт и тие знаат дека ЕУ ова го третира како европска вредност, европска придобивка“, изјави вчера Заев во интервју за ТВ 21, и додаде дека е многу лесно да се направи кавга, но дека ни требаат решенија.
„Европа не може да помине преку тоа, затоа што, прво, ако е така ваквите билатерални прашања ќе станат правило и тоа е недозволиво за ЕУ“, истакна премиерот Заев.
Заев истакна дека негова должност е да не се откажува и да се најде решение.
„Сега има пенал за шутирање, за кавги колку што сакате, но нас не ни треба тоа. Ни треба пријателство. Нас ни треба трезвени глави, мудри лидери кои што навистина ќе дадат шанса на дијалогот, ќе дадат шанса на решенијата, не на конфликтот“, истакна Заев во интервју за ТВ 21.