Имајќи ја предвид Одлуката од Уставниот суд У.бр. 115/2019 од 14.05.2020 година, според која за да биде усвоен Законот потребни се најмалку 61 глас ЗА, при одлучувањето за Законот за игри на среќа и забавни игри, на 145. седница, Законот доби поддршка од 51 глас ЗА, со што не се исполнети условите за Законот да биде усвоен и со тоа завршува процедурата по тој Закон, соопштуваат од Собрание на Република Северна Македонија.
Констатацијата од страна на претседателот на Собранието при одлучувањето за Законот игри на среќа и забавни игри, се однесуваше на мнозинството што е потребно за донесување на овој Закон во редовна постапка.