Украинскиот претседател Володимир Зеленски во интервју за Си-Ен-Ен изјави дека е изненаден од тоа колку поранешниот претседател на САД, Доналд Трамп продолжил да го фали својот руски колега Владимир Путин, дури и откако Москва ја нападна Украина.
„Верувам дека имаше доволно време, и повеќе, да разбере кој е Путин“, вели Зеленски во интервјуто.
Зеленски смета дека е невозможно Трамп да не знае колку Путин е спротивен на вредностите на американскиот народ.
„Верувам дека Трамп беше на толку висока позиција каде што е невозможно да не признае дека Путин е токму спротивното од вредностите на својот народ. Трамп ја имаше целата расположлива моќ на државата – разузнавачки податоци, податоци – во со цел да се создаде психолошки профил“, потенцира Зеленски.
Зеленски изјави дека е „изненаден“ од однесувањето на Трамп по почетокот на нападот врз Украина.
„Веројатно требаше да ја промовира својата внатрешна политика за да покаже дека е подготвен да најде разбирање со претседателот на Русија“, додаде украинскиот претседател.
Тој исто така рече дека Украина, во очите на Трамп, е предалеку.
„Сепак, оваа војна нема дистанца што не може да ја покрие и затоа сметам дека треба реално да се гледа на ситуацијата“, рече Зеленски во интервјуто за Си-Ен-Ен.
Д.Варошлија
